جەدەل-ىزدەستىرۋ بارىسىندا قارجى مينيسترلىگىنە قاراستى قارجى مونيتورينگى كوميتەتى تۇركىستان وبلىسى بويىنشا ەكونوميكالىق تەرگەۋ دەپارتامەنتىنىڭ جانە مەديتسينالىق جانە فارماتسەۆتيكالىق قىزمەتتى باقىلاۋ كوميتەتىنىڭ قىزمەتكەرلەرىمەن بىرلەسە وتىرىپ, ءدارى-دارمەكتەردى رۇقسات قۇجاتتارىنسىز ساتۋمەن اينالىسقان ەكى ءدارىحانانىڭ ارەكەتىن اشكەرەلەدى.
تۇركىستان قالاسىنىڭ تۇرعىنى تورەقۇلوۆ كوشەسى, 69-ءۇي مەكەنجايى بويىنشا "رايانا" جانە قوجانوۆا كوشەسىندە ورنالاسقان "گۋلاموۆا" ءدارىحانالارىندا ليتسەنزياسىز ءدارى-دارمەكتەردى ساتقانى انىقتالدى.
ءتىنتۋ بارىسىندا 12 341 قاپتاماداعى 714 دانا دارىلىك زات تاركىلەندى. جوعارىدا كورسەتىلگەن فاكتىلەر بويىنشا ماتەريالدار, سونداي-اق الىنعان دارىلىك پرەپاراتتار كىنالى تۇلعانى اكىمشىلىك جاۋاپكەرشىلىككە تارتۋ ءۇشىن ءىسى تۇركىستان وبلىسى بويىنشا تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنە بەرىلدى.
