ياعني جول كارتاسى اياسىندا كلينيكانىڭ جانە مەديتسينا فاكۋلتەتىنىڭ دارىگەرلەرىنەن توپ قۇرىلىپ, ناۋقاستانعان قالا تۇرعىندارى مەن ۋنيۆەرسيتەت قىزمەتكەرلەرىنە ونلاين-كەڭەس بەرۋدە. قىزمەتكەرلەرگە ءدارى-دارمەك ساتىپ الۋعا كاسىپوداق ۇيىمى قارجىلاي قولداۋ كورسەتەدى. وسى ماقساتتا بەكىتىلگەن حاتتاماعا سايكەس انتيبيوتيكتەرمەن پنەۆمونيانى ەمدەۋدىڭ 200 كۋرسىنا جەتكىلىكتى قاراجات بولىنگەن. ۋنيۆەرسيتەت كلينيكاسىندا قىزمەتكەرلەرگە اقىسىز نەگىزدە پنەۆمونيانى انىقتاۋ ءۇشىن كومپيۋتەرلىك توموگرافيامەن تەكسەرۋ جۇرگىزىلۋدە جانە قاجەت بولعان جاعدايدا ەمدەلۋى ءۇشىن كلينيكانىڭ پروۆيزورلىق بولىمىنە جاتقىزىلۋدا. سونداي-اق ۋنيۆەرسيتەت كلينيكاسى مەن «اي» مەديتسينالىق ورتالىعىندا امبۋلاتوريالىق ەمدەۋ ۇيىمداستىرىلعان. مۇندا وقىتۋشىلار مەن قىزمەتكەرلەردىڭ ءتيىستى پروتسەدۋرالاردان وتۋىنە مۇمكىندىك جاسالعان.
ء«بىز دياگنوستيكا مەن ەمگە مۇقتاج بارلىق قىزمەتكەرلەردى قامتاماسىز ەتۋدەمىز. سونىمەن قاتار ۋنيۆەرسيتەتتىڭ كاسىپوداق ۇيىمى تاراپىنان پنەۆمونيادان جازىلىپ شىققان وقىتۋشىلار مەن قىزمەتكەرلەردىڭ ەلىمىزدىڭ ەڭ جاقسى شيپاجايلارى مەن دەمالىس ۇيلەرىندە وڭالتۋدان ءوتۋى ءۇشىن 300 جولداما بەرۋ ماسەلەسى شەشىمىن تاۋىپ وتىر. جۇمىلا كۇرەسۋ ارقىلى عانا كوروناۆيرۋستىق پاندەميانى توقتاتىپ, ونىڭ قايتالانۋىنا قارسى قالقان بولا الامىز. دۇربەلەڭ مەن ەموتسياعا جول بەرمەۋىمىز كەرەك. الەۋمەتتىك جەلىلەردە كوپتەگەن جالعان اقپاراتتىڭ ءجيى تاراتىلاتىنىن ەسكەرە وتىرىپ, قىزمەتكەرلەرىمىزدى, ستۋدەنتتەرىمىزدى تەك رەسمي اقپاراتتاردى قولدانۋعا شاقىردىق», دەيدى ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ رەكتورى بولاتبەك ابدراسيلوۆ.
قولدان كەلگەن بارلىق مۇمكىندىكتى جاساپ جاتقان ۋنيۆەرسيتەت باسشىلىعىنا ريزاشىلىعىن بىلدىرگەن وقۋ ورنى ۇجىمى بۇل قيىندىقتى ابىرويمەن جەڭەتىندەرىنە سەنىمدى.
تۇركىستان وبلىسى
