سىبايلاس جەمقورلىققا قارسى حالىقارالىق اكادەمياسىن قۇرۋ تۋرالى كەلىسىمگە ساي قازاقستان رەسپۋبليكاسى پرەزيدەنتىنىڭ جارلىعىمەن ەلىمىزدىڭ وعان حالىقارالىق ۇيىم رەتىندە قوسىلۋى تۋرالى شەشىم قابىلداندى.
سىبايلاس جەمقورلىققا قارسى اكادەميا بىرىككەن ۇلتتار ۇيىمىنىڭ اتىنان 2010 جىلى لاكسەنبۋرگتا (اۆستريا رەسپۋبليكاسى) سىبايلاس جەمقورلىققا قارسى ءىس-قيمىل, سىبايلاس جەمقورلىققا قارسى زاڭناما, دەربەس دايارلاۋ, عىلىمي-زەرتتەۋلەر سالاسىندا ۇزدىك تاجىريبە ورتالىعىنىڭ مىندەتتەرىن ورىندايتىن حالىقارالىق ۇيىم رەتىندە قۇرىلعان بولاتىن.
سىبايلاس جەمقورلىققا قارسى حالىقارالىق اكادەمياسىن قۇرۋ تۋرالى كەلىسىمگە ساي قازاقستان رەسپۋبليكاسى پرەزيدەنتىنىڭ جارلىعىمەن ەلىمىزدىڭ وعان حالىقارالىق ۇيىم رەتىندە قوسىلۋى تۋرالى شەشىم قابىلداندى.
سىبايلاس جەمقورلىققا قارسى اكادەميا بىرىككەن ۇلتتار ۇيىمىنىڭ اتىنان 2010 جىلى لاكسەنبۋرگتا (اۆستريا رەسپۋبليكاسى) سىبايلاس جەمقورلىققا قارسى ءىس-قيمىل, سىبايلاس جەمقورلىققا قارسى زاڭناما, دەربەس دايارلاۋ, عىلىمي-زەرتتەۋلەر سالاسىندا ۇزدىك تاجىريبە ورتالىعىنىڭ مىندەتتەرىن ورىندايتىن حالىقارالىق ۇيىم رەتىندە قۇرىلعان بولاتىن.
قازاقستان رەسپۋبليكاسىنىڭ وسى جوباعا قاتىسۋى قۇقىق قورعاۋ ورگاندارى قىزمەتكەرلەرىنىڭ دەربەس ءبىلىم الۋىنا, بىلىكتىلىگىن ارتتىرۋعا جانە ۇزدىك تاجىريبەمەن الماسۋىنا مۇمكىندىك بەرەدى. اتالعان سىبايلاس جەمقورلىققا قارسى حالىقارالىق اكادەميا بۇۇ ەسىرتكى مەن قىلمىس جانە ەۋروپا وداعىنداعى الاياقتىققا قارسى كۇرەس بيۋروسى باسقارماسىنىڭ اۆستريا ۇكىمەتىمەن ىنتىماقتاسۋى ارقىلى دۇنيەگە كەلدى. اكادەمياعا اسسامبلەياعا قاتىسۋشىلار, كەڭەستى باسقارۋشىلار, حالىقارالىق كونسۋلتاتيۆتىك كەڭەستى باسقارۋشىلار, حالىقارالىق عىلىمي-كونسۋلتاتيۆتىك كەڭەس, دەكان جەتەكشىلىك ەتەدى.
قازىرگى كۇنى اكادەميانىڭ قۇرامىنا حالىقارالىق ۇيىم رەتىندە حالىقارالىق سىبايلاس جەمقورلىققا قارسى اكادەمياسىن بەكىتۋ تۋرالى كەلىسىمىنە قول قويعان 48 قاتىسۋشى كىرەدى. وسىعان وراي كەزىندە, ياعني 2010 جىلى ۆەنا قالاسىندا اۆستريا رەسپۋبليكاسى ۇكىمەتىنىڭ بۇۇ ەسىرتكى جانە قىلمىس بويىنشا باسقارماسىمەن بىرگە «ارماننان ناقتىلىققا: جەمقورلىقپەن كۇرەسۋدىڭ جاڭا جانە كەشەندى امالدارى» اتتى كونفەرەنتسيا وتكىزىلدى. ەندى بۇگىندە اكادەميادا وقىتۋ باعدارلاماسى بەس بولىمنەن, ياعني وقىتۋدىڭ قالىپتى باعدارلاماسى جانە عىلىمي-زەرتتەۋ جۇمىس; وقىتۋدىڭ ارنايى باعدارلاماسى جانە عىلىمي-زەرتتەۋ جۇمىس; عىلىمي دارەجە باعدارلاماسى; كەڭەس جانە بىرىككەن ءىس-قيمىل الاڭى; سىبايلاس جەمقورلىققا قارسى عىلىمي-زەرتتەۋ ورتالىعى جانە سالىستىرمالى قىزمەتتەن تۇرادى.
الەكساندر تاسبولاتوۆ,
«ەگەمەن قازاقستان».
