سپورت • 16 شىلدە، 2020

ازيادا ۇزدىك ۇشتىكتەمىز

130 رەت كورسەتىلدى

دزيۋدودان ازيا چەمپيوناتى 1966 جىلدان بەرى ۇزدىكسىز ۇيىمداستىرىلىپ كەلەدى. قازاقستان بۇل دۇبىرگە توقسانىنشى جىلداردىڭ باسىندا، ياعني تاۋەل­سىزدىك العاننان كەيىن قوسىلدى. سول سەبەپتى دە ءبىز بۇگىنگى ماقالامىزدا 1993-2019 جىلدار ارالىعىندا وتكەن جارىستارعا توقتالىپ، ءار ەلدىڭ ەرلەر قۇرا­ماسىنىڭ سول كەزەڭدە قول جەتكىزگەن جەتىستىكتەرى مەن وتاندىق دزيۋدو­شىلارىمىزدىڭ باعىندىرعان بەلەستەرى جايىندا بايانداۋدى قۇپ كورىپ وتىرمىز.

كوش باسىندا – كورەيلەر مەن جاپوندار

اتالعان ارالىقتا دزيۋدودان ازيا چەمپيوناتىنىڭ جالاۋى 20 مار­تە جەلبىرەدى. وسى جارىستاردىڭ جال­پىكوماندالىق ەسەبىندە باس جۇلدە ءۇشىن تارتىس كوبىنە-كوپ جاپونيا مەن وڭتۇستىك كورەيا قۇرامالارى اراسىندا ءوربيدى. ءيا، سارى قۇرلىقتىڭ سايىپقىراندارى جينالعان دوداسىنىڭ ەرلەر سايىسىندا ەڭ كوپ جۇلدەنى جا­پونداردىڭ ولجالاعان راس. ولار 127 مارتە جەڭىس تۇعىرىنا كوتەرىلدى. كورەي­لەر 119 رەت ۇزدىكتەر ساناتىنان كورىندى. ارينە وعان تاڭدانۋعا بولمايدى. ويت­كەنى جاپونيا  – دزيۋدونىڭ وتانى. وسى كۇرەس ءتۇرىن ويلاپ تاۋىپ، ونى ور­كەندەتىپ جاتقان دا – سولار. ال ەگەر تەك التىن مەدالداردىڭ سانىن ەسەپكە الساق، وندا كورەيلەردىڭ كوشى ىلگەرى ەكە­­ء­نىن اڭعارامىز. ناقتى دەرەكتەرگە سۇيەنسەك، جوعارىدا كورسەتىلگەن مەرزىم ارالىعىندا ۇيىمداستىرىلعان ازيا چەمپيوناتتارىندا وڭتۇستىك كورەيانىڭ ءانۇرانى 52 مارتە شىرقالسا، جاپوندار 48 رەت ءدال سونداي قۇرمەتكە بولەندى. ياعني مەدالداردىڭ ساپاسى جاعىنان كورەيلەر وزىپ تۇر. 

الىپ ازيانىڭ ۇزدىك ءۇشىنشى كومانداسى اتانۋ ءۇشىن تارتىس قازاقستان مەن وزبەكستان دزيۋدوشىلارى اراسىندا وتەدى. وسى كۇنگە دەيىن قوس كوماندا دا 14 التىننان ولجالادى. ال جۇلدەلەردىڭ جالپى سانى جاعىنان كورشىلەرىمىزگە قاراعاندا ءبىزدىڭ مىسىمىز باسىم. وتان­داستارىمىزدىڭ قورجىنىندا تاعى 18 كۇمىس پەن 49 قولا مەدال بار. «الا شاپاندى» اعايىندارىمىز 16 كۇمىس پەن 41 قولانى يەمدەندى.

ءدال قازىر «دزيۋدو كۇرەسىنەن ازيا قۇرلىعىنىڭ الدىڭعى لەگىندەمىز» دەپ قازاقتار مەن وزبەكتەرگە ارقانى كەڭ­گە سالىپ، ەش بوساڭسۋعا بولمايدى. ويتكەنى موڭعوليا مەن يران قۇرا­ما­لارى وكشەلەپ كەلەدى. ازىرگە ولار 12 التىننان ولجالادى. اتالعان مەملەكەتتەردە دزيۋدونىڭ دامۋ جۇيەسى دۇرىس جولعا قويىلىپ، قازىرگى كەزدە ول كەرەمەت قارقىنمەن دامىپ كەلە جاتقانىن ەستەن شىعارماعان ءجون. سوندىقتان دا الداعى ۋاقىتتا موڭعولدار مەن پار­سىلاردىڭ قورجىنى اجەپ­تاۋىر تو­لىعاتىنى انىق.

ءبىر ايتا كەتەرلىگى، 1966 جىلى تۇساۋى كەسىلگەن ازيا چەمپيوناتىنىڭ ەرلەر سايىسىندا نەبارى توعىز مەملەكەتتىڭ ءانۇرانى شىرقالعان ەكەن. باستاپقى كەزەڭدە جاپونداردىڭ تەگەۋرىنىنە شىداۋ مۇمكىن ەمەس ەدى. كوپ كەشىكپەي كورەيلەر قاتتى ءوستى. توقسانىنشى جىلدارى قازاق پەن وزبەك، موڭعول مەن يراندىقتار ەڭسە تىكتەدى. ارا-تۇرا قىتاي (1996، 1999 جىلدارى)، سولتۇستىك كورەيا (1999، 2007) جانە تاجىكستاننىڭ دا (2016، 2017) تاتامي شەبەرلەرىنىڭ تەڭدەسسىز دەپ تانىلعانى ەسىمىزدە. ولاردىڭ دا ورەندەرى قوس التىندى يەمدەندى. ال سارى قۇرلىقتاعى وزگە كوپتەگەن مەملەكەتتىڭ بالۋاندارىنا ازيا چەمپيوناتىنىڭ التىن تۇعىرىنا كوتەرىلۋ باقىتى ازىرگە بۇيىرعان جوق. 

1

 

قازاقستاندىقتاردىڭ قارقىنى قالاي؟

قازاقستان دزيۋدوشىلارىنىڭ ازيا چەمپيوناتتارىنداعى تابىسى جايىندا ءبىز جوعارىدا قىسقاشا باياندادىق. ەندى كەيبىر قىزىقتى دەرەكتەرگە توقتالايىق. الىپ قۇرلىقتىڭ اپايتوستەرى باس قوسقان بايراقتى باسەكەدە 81 جۇلدە الۋ، ارينە از ولجا ەمەس. جالپى 1993-2019 جىلدار ارالىعىندا 20 مارتە جالاۋى جەلبىرگەن جارىستا بارلىعى 14 مارتە ءانۇرانىمىز شىرقالدى. كەيبىر دودادالاردا باس جۇلدە بۇيىرماعانىمەن، كۇمىس پەن قولاعا قارىق بولدىق.

جەرلەستەرىمىز ءوزىنىڭ ەڭ زور تابىسىنا 2004 جىلى قول جەتكىزدى. الماتىداعى بالۋان شولاق اتىنداعى سپورت سارايىندا وتكەن جارىستا 3 التىن، 2 كۇمىس جانە 1 قولا مەدالدى ەنشىلەپ، جال­پى­­كوماندالىق ەسەپتە ەكىنشى ورىنعا كوتە­رىلدىك. ازىرگە ەڭ ۇزدىك ناتيجەمىز – وسى. ال 1993، 1995 جانە 1997 جىلدارى ۇزدىك ۇشتىكتىڭ قاتارىنان كورىندىك. 2011-2017 جىلدار ارالىعىندا ۇلتتىق قۇرامالار اراسىندا كوماندالىق سايىستاردىڭ ۇيىمداستىرىلعانى ەس­تەرىڭىزدە شىعار. سول التى جارىستىڭ بە­سەۋىندە قازاق­ستاننىڭ دزيۋدوشىلارى ءۇشىن­شى ورىندى يەلەندى.

جەكەلەگەن بالۋاندارعا توقتالاتىن بولساق، وتانداستارىمىزدىڭ اراسىنان سەرگەي شاكىموۆ (1995، 1996، 1997) پەن اسحات جيتكەەۆ (2003، 2004، 2008) ءۇش رەتتەن ازيا چەمپيونى اتاندى. يۆان كارازەليدي (1993)، بازاربەك دونباي (2004)، مۇراتبەك قىپشاقباەۆ (2004)، ماكسيم راكوۆ (2009)، سەرگەي ليم (2012)، ەلدوس سمەتوۆ (2016)، ماكسيم راكوۆ (2017) جانە ەرلان سەرىكجانوۆ (2019) سىن­دى ساڭلاقتاردىڭ دا سارى قۇرلىقتىڭ تەڭدەس­سىزى اتانۋعا قارىم-قابىلەتتەرى جەتتى.

يگور پەشكوۆ (1993)، سەرگەي ءالىمجانوۆ (1995)، اقات ءاشىروۆ (1996)، اسحات شاھاروۆ (2000)، رۋسلان سەيىلحانوۆ (2000)، ۆياچەسلاۆ بەردۋتا (2000)، ەركىن تۇياقوۆ (2001)، ساعدات سادىقوۆ (2004)، ەلدوس ىقسانعاليەۆ (2004)، ايدار قابيموللاەۆ (2005)، اسحات جيتكەەۆ (2005)، رينات يبراگيموۆ (2008)، يسلام بوزباەۆ (2011، 2017)، ماكسيم راكوۆ (2015)، ديدار حامزا (2016)، ەلدوس جۇماحانوۆ (2017، 2019) شەشۋشى تۇستا عانا ۇتىلىپ، كۇمىس مەدالدى مويىندارىنا ءىلدى.

ال سەرىك ادىعانوۆ (1993)، سەرگەي ءالىمجانوۆ (1993)، سەرگەي شاكىموۆ (1993)، احات ءاشىروۆ (1995)، ەرجان ومارباەۆ (1996)، رۋسلان سەيىلحانوۆ (1996، 1997)، مۇسا زايپۋللاەۆ (1997)، ۆياچەسلاۆ بەردۋتا (1997 – ەكى سالماقتا، 1999)، الەكسەي الياپين (1999)، ەلدوس ىقسانعاليەۆ (2000، 2001، 2003 – ەكى سالماقتا، 2004، 2005)، راۋان يناتۋللاەۆ (2001)، داستان پىرىمقۇلوۆ (2001)، ەرلان سلامباەۆ (2003)، سالامات وتارباەۆ (2005، 2008)، بازاربەك دونباي (2007)، ماكسيم راكوۆ (2007، 2016)، تيمۋر بولات (2009، 2011)، ۇلان رىسقۇل (2009)، ەركەبۇلان قوساەۆ (2011)، ەرجان شىنكەەۆ (2011، 2013، 2015، 2016)، ۆيكتور دەميانەنكو (2012)، ەلدوس سمەتوۆ (2013)، ازامات مۇقانوۆ (2013)، يسلام بوزباەۆ (2013، 2019)، ەلدوس جۇماحانوۆ (2015، 2016)، ءازيز قالقامان ۇلى (2016)، جانساي سماعۇلوۆ (2017) جانە عۇسمان قىرعىزباەۆ (2019) قولا مەدالدى مو­يىندارىندا جارقىراتتى. سونىمەن قاتار قازاقستان قۇراماسى ازيا چەمپيوناتىنىڭ كوماندالىق سايىسىندا بەس رەت ءۇشىنشى ورىنعا تابان تىرەدى.

قازىرگى كەزدە قازاقستاندا دزيۋدونىڭ دامۋ بارىسى كوڭىل كونشىتەرلىك. ەلىمىزدىڭ بىرقاتار وڭىرىندە كۇرەستىڭ بۇل ءتۇرى قا­رىشتاپ دامىپ كەلەدى. سونىڭ ارقاسىندا جاسوسپىرىمدەر مەن جاستار بۋىنى جانە ەرەسەكتەر اراسىنداعى ءدۇبىرلى دودالاردا جەرلەستەرىمىز جاقسى ناتيجە كورسەتىپ ءجۇر. ولاي بولسا، ايدىن سماعۇلوۆ باپتاعان ءبىزدىڭ بالۋاندار الداعى جارىستاردا دا جانكۇيەرلەرىن جەرگە قاراتپايدى دەپ ۇمىتتەنەمىز.

 

سوڭعى جاڭالىقتار

ماڭگىلىك مۇرا تاعىلىمى

اباي • بۇگىن، 10:01

قحل كەستەسى جاريالاندى

حوككەي • بۇگىن، 08:16

تايجان مۇراسى توزبايدى

رۋحانيات • بۇگىن، 08:15

95 جاسىندا كۋالىك الدى

وقيعا • بۇگىن، 08:11

جەمقورلار اللەياسى كەرەك پە؟

ساياسات • بۇگىن، 08:03

ەكپەنى وزدەرىنە سالدىردى

قوعام • بۇگىن، 08:00

پاندەميا كەزىندەگى پەرزەنتحانا

مەديتسينا • بۇگىن، 07:57

جاڭا ماۋسىمداعى وزگەرىستەر

فۋتبول • بۇگىن، 07:37

قاتەرلى ماۋسىم

الەم • بۇگىن، 07:26

ۇزدىك 8 كوماندا انىقتالدى

فۋتبول • بۇگىن، 07:20

قۇلقىن ءھام قۇلدىق

قوعام • بۇگىن، 07:15

ءتىلسىز جاۋدىڭ تاقسىرەتى

ايماقتار • بۇگىن، 07:08

تەگىن ءدارى-دارمەك كىمگە تيەسىلى؟

مەديتسينا • بۇگىن، 06:50

شاراپاتى مول «شەت-كومەك»

ەكونوميكا • بۇگىن، 06:39

ەگىنگە وراق ەرتە ءتۇستى

قوعام • بۇگىن، 06:33

جەزقازعانعا گاز جەتكەندە...

ەكونوميكا • بۇگىن، 06:31

«ينتەر» – جارتىلاي فينالدا!

سپورت • بۇگىن، 02:50

ۇقساس جاڭالىقتار