ماسەلەن, وتكەن اپتادا گۋمانيتارلىق كومەك رەتىندە وڭىرگە 48 مىڭ دانا قورعانىس كيىمدەرى مەن قولعاپ كەلدى. ودان كەيىن وزبەكستان مەملەكەتىنەن 100 ملن تەڭگەگە 1,5 ملن قۇتىدان استام پاندەمياعا قاجەتتى دارىلەر جەتكىزىلدى. ودان بولەك الماتى قالاسىنان 2 توننا ءدارى-دارمەك كەلگەن. ولار ەڭ اۋەلى وبلىستاعى اۋرۋحانالار مەن ەمحانالارعا تاراتىلىپ بەرىلۋدە.
وڭىرلىك كوممۋنيكاتسيالار قىزمەتىندە وتكەن بريفينگتە وسىنداي دەرەكتەردى كەلتىرگەن وبلىستىق قوعامدىق دەنساۋلىق باسقارماسىنىڭ باسشىسى مارات پاشيموۆ قازىرگى تاڭدا ناۋقاستار ارنايى پروتوكول بويىنشا ەم قابىلداپ جاتقانىن مالىمدەدى. سونداي-اق دارىلەردىڭ كەلۋىن جانە ءتيىستى مەكەمەلەرگە دۇرىس تاراتىلۋىن, ءدارىحانالاردا بەلگىلەنگەن باعادا ساتىلۋىن قاداعالايتىن ارنايى شتاب قۇرىلعانىن جەتكىزدى. قازىر كۇندەلىكتى قويمادان دارىلەردىڭ اۋرۋحانالار مەن دارىحانالارعا ۇلەستىرۋ, سونداي-اق ساتىلۋ باعاسىنا مونيتورينگ جۇمىستارى جۇرگىزىلۋدە. وسى اپتانىڭ سوڭىنا دەيىن وڭىردە 22 ءتۇرلى ءدارى-دارمەكتىڭ 128 مىڭنان استام داناسى ءدارىحانا سورەلەرىنە ساتىلىمعا شىعادى. بۇدان بولەك, شىلدە ايىنىڭ 20-نان كەيىن تۇركيا ەلىنەن وبلىسقا 41 ءتۇرلى ەۋروپالىق ساپاسى جوعارى دارىلىك زاتتار جەتكىزىلەدى. وبلىستاعى ءدارى-دارمەك جەتىسپەۋشىلىگىن جويۋ ماقساتىندا وتكەن اپتادا تۇركىستان قالاسىنا 136 ءتۇرلى 2 توننا ءدارى-دارمەك كەلسە, بۇگىن 20 ملن تەڭگەگە 140 ءتۇرلى دارىلىك پرەپاراتتار جەتكىزىلدى. دارىحاناعا تۇسكەن دارىلەر شەكتى باعامەن ساتىلادى. وبلىس اكىمىنىڭ ورىنباسارى ساكەن قالقامانوۆ بۇل پروتسەستى ارنايى مونيتورينگتىك توپ باقىلايتىنىن ايتتى. اتالعان دارىلەر جەرگىلىكتى اكىمدىكتەرمەن مەموراندۋمعا وتىرعان 153 دارىحاناعا تاراتىلادى. مەموراندۋمدا اكىمدىك پەن ءدارىحانا مىندەتتەمەلەرى ايقىن كورسەتىلگەن.
بۇگىنگى كۇنگە دەيىن وبلىستا كۆي ينفەكتسياسىمەن تىركەلگەن ازاماتتار سانى – 2341, ونىڭ ىشىندە اۋرۋحانادا جاتقانى – 196, جازىلعاندار – 868. وزگەلەرى امبۋلاتورلىق ەم الۋدا. قايتىس بولعاندار سانى – 22 ادام. پنەۆمونيامەن اۋىرىپ جاتقان ازاماتتار سانى – 5400, جازىلعاندار – 4200, ال 1200 ناۋقاس ەم قابىلداۋدا. قايتىس بولعاندار سانى – 56.
