كەشە استانا قالاسىندا اۋسىل مال اۋرۋى بويىنشا دۇنيەجۇزىلىك جانۋارلار ساۋلىعى جونىندەگى ۇيىمنىڭ ۇيلەستىرۋشى ورتالىعىن قۇرۋعا ارنالعان ءباسپاسوز ءماسليحاتى بولدى.
ءماسليحاتتا اۋىل شارۋاشىلىعى ءمينيسترى اسىلجان مامىتبەكوۆ اتالعان ورتالىقتىڭ قىزمەتى مەن ماقساتى تۋرالى اڭگىمەلەدى.
كەشە استانا قالاسىندا اۋسىل مال اۋرۋى بويىنشا دۇنيەجۇزىلىك جانۋارلار ساۋلىعى جونىندەگى ۇيىمنىڭ ۇيلەستىرۋشى ورتالىعىن قۇرۋعا ارنالعان ءباسپاسوز ءماسليحاتى بولدى.
ءماسليحاتتا اۋىل شارۋاشىلىعى ءمينيسترى اسىلجان مامىتبەكوۆ اتالعان ورتالىقتىڭ قىزمەتى مەن ماقساتى تۋرالى اڭگىمەلەدى.
سونداي-اق, ورتالىقتىڭ ايماقتىق ءوفيسى نەگە استانادا اشىلىپ وتىرعانى تۋرالى دا ايتتى. «حالىقارالىق ەپيزووتيكالىق بيۋرونىڭ ورتالىق ازياداعى ايماقتى باقىلاۋ ءوفيسىنىڭ استانادا اشىلعانى ءبىز ءۇشىن وتە ماڭىزدى. سەبەبى, ەرتەڭگى كۇنى دۇنيەجۇزىلىك ساۋدا ۇيىمىنا كىرگەلى وتىرعان قازاقستانعا ەت ءونىمىن الىس-جاقىن شەتەلدەرگە ەكسپورتتاۋ كەزىندە اتالعان ۇيىمنىڭ ىقپالى بولادى. سونىمەن قاتار, جاقىن كورشىلەردەگى تۋىنداعان اۋسىل اۋرۋلارى تۋرالى دەر كەزىندە اقپارات الىپ تۇرامىز. سونداي-اق, اۋسىل اۋرۋىنا قارسى شارالاردى جۇرگىزۋگە حالىقارالىق ۇيىمداردىڭ قارجىسىن تارتۋعا دا مۇمكىندىك تۋادى. ويتكەنى, 1924 جىلى قۇرىلعان ۇيىمنىڭ حالىقارالىق قاۋىمداستىقتا بەدەلى زور. بۇگىنگى تاڭدا ۇيىمعا 178 مەملەكەت مۇشە. ال بيۋرونىڭ ورتالىق ازيا ايماعى بويىنشا باقىلاۋ جۇرگىزەتىن ءوفيسىنىڭ استانا قالاسىندا اشىلۋىن كورشى تۋىستاس ەلدەر قولداپ وتىر. وسىنىڭ الدىندا عانا قىرعىز جانە تاجىك ەلدەرىنىڭ وكىلدەرى بىزدە بولىپ, يگى ءىستىڭ ەرتەرەك جۇزەگە اسۋىن اسىعا كۇتىپ جۇرگەندەرىن جەتكىزدى. سەبەبى, ولار دا الىس شەتەلدەرگە وزدەرىنىڭ ەت ءونىمىن ساۋداعا شىعارۋدى قالايدى», دەدى ا.مامىتبەكوۆ.
اۋىل شارۋاشىلىعى ۆيتسە-ءمينيسترى گ.يساەۆا ءوفيستىڭ قايدا, قالاي قۇرىلاتىنى تۋرالى اڭگىمەلەدى. بۇيىرتسا, وفيس جىل سوڭىنا دەيىن قۇرىلىپ, ىسكە قوسىلادى ەكەن. بىراق وعان باسشىلىق جاسايتىن ادامدى تاڭداۋ حالىقارالىق ەپيزووتيكالىق ورتالىعى باس ديرەكتورىنىڭ قۇزىرىندا ەكەن. ورتالىقتىڭ باس ديرەكتورى بەرنارد ۆاللا ەلىمىزدىڭ اۋىل شارۋاشىلىعى ءمينيسترى مەن ونىڭ سالاعا جاۋاپتى ماماندارىنا ريزا كوڭىلىن ءبىلدىردى. سەبەبى, ۇيىمعا مۇشەلىككە ءوتۋ شاراسىن بۇدان 3-4 جىل بۇرىن باستاعان مينيسترلىك, وسى ۋاقىت ارالىعىندا تياناقتى جۇمىس تىندىرعان. حالىقارالىق تالاپتارعا ساي ءىس جۇرگىزىپ, ناتيجەسىندە ورتالىقتىڭ ايماقتىق ءوفيسىن استانادا اشۋعا مۇرىندىق بولعان. ءسويتىپ, بۇگىننىڭ وزىندە قىزمەت ورنى بەلگىلەنگەن وفيس جوعارى دەڭگەيدە جابدىقتالعانىن ايتتى.
ءباسپاسوز ءماسليحاتىنا دەيىن اۋىل شارۋاشىلىعى ءمينيسترى ا. مامىتبەكوۆ حالىقارالىق ەپيزووتيكالىق بيۋروسىنىڭ باس ديرەكتورى دوكتور ب.ۆاللامەن استانا قالاسىندا اۋسىل بويىنشا دۇنيەجۇزىلىك جانۋارلار ساۋلىعى جونىندەگى ۇيىمنىڭ ۇيلەستىرۋشى ورتالىعىن قۇرۋ جونىندەگى كەلىسىمگە قول قويعان. ب. ۆاللا ۇيلەستىرۋشى ورتالىقتىڭ تاڭدالعان ورنىنىڭ كەزدەيسوق ەمەس ەكەندىگىنە توقتالدى. ءسويتىپ, قازاقستان جانۋارلاردىڭ اسا قاۋىپتى اۋرۋلارىمەن ناتيجەلى كۇرەس جۇرگىزىپ كەلەدى, دەپ وڭ باعا بەردى. حەب ۇيلەستىرۋشى ورتالىعىن قۇرۋدىڭ ماقساتى – ورتالىق ازيا ەلدەرىندە جانە وعان شەكارالاس اۋداندارداعى اۋسىلدى باقىلاۋدى كۇشەيتۋ ءۇشىن ايماقتاعى قۇزىرلى ۆەتەرينارلىق قىزمەت ارەكەتتەرىن ۇيلەستىرۋ. اتاپ ايتقاندا, بۇل ەلدەرگە ەپيزووتيكالىق احۋالداردى باقىلاۋداعى ۆەتەريناريالىق جۇيەلەردىڭ حالىقارالىق ستاندارتتارىن ەنگىزۋ بويىنشا ناقتى جۇمىستار جۇزەگە اسىرىلادى.
مۇنىمەن بىرگە, ايماقتاعى ۆەتەرينارلىق قىزمەت حالىقارالىق ەپيزووتيكالىق بيۋرو وكىلدەرىمەن بىرىگىپ, اۋسىلعا قارسى كۇرەس بويىنشا بىرىڭعاي ستراتەگيا مەن امالداردى جۇزەگە اسىرادى. بۇل يگى شارالار وسى وڭىرلەردەگى اتالعان ىندەتتەردى جۇقتىرۋدىڭ قاۋىپ-قاتەرىن دە ەداۋىر تومەندەتەدى.
نۇرباي ەلمۇراتوۆ,
«ەگەمەن قازاقستان».
