سونداي-اق, ۇشۋ-قونۋ جولاعى, رۋلدەۋ جولى مەن پەرروننىڭ نەگىزى - 100 %, ۇشۋ-قونۋ جولاعىن اسفالتتەۋ - 50%, جولاۋشىلار تەرمينالىنىڭ مەتالل قۇرىلىمدارىن مونتاجداۋ تولىق اياقتالعان.
مەملەكەتتىك-جەكەشەلىك ارىپتەستىك مەحانيزمى اياسىندا "Turkistan International Airport" جشس-ءى تاراپىنان قولعا الىنعان الىپ قۇرىلىس الاڭىندا 341 مامان مەن 106 ارنايى تەحنيكا جۇمىس ىستەۋدە. قۇرىلىستا وندىرىستىك جۇمىس كەستەسى ساقتالۋدا. سونىمەن قاتار قاجەتتى ماتەريالدار جەتكىلىكتى. اۋەجايدى 2020 جىلدىڭ سوڭىنا اياقتاپ, قولدانىسقا ەنگىزۋ جوسپارلانعان. تۇركىستان وبلىسىنىڭ اكىمى ومىرزاق شوكەەۆ نىسان باسىنداعى قۇرىلىس جۇمىستارىمەن تانىسىپ, اۋەجاي قۇرىلىسىن ساپالى ءارى ءوز ۋاقىتىندا اياقتاۋدى تاپسىردى.
