ءبىلىم • 15 شىلدە، 2020

​وقۋ جىلىنا دايىندىق تياناقتالىپ قالدى

30 رەت كورسەتىلدى

بۇگىن سولتۇستىك قازاقستان وبلىستىق ءبىلىم باسقارماسىنىڭ باستىعى گۇلميرا رايىمبەكوۆا جۋرناليستەرگە بريفينگ بەرىپ، بيىلعى وقۋ جىلىنىڭ ەرەكشەلىكتەرى تۋرالى ايتتى.

​"جاڭا وقۋ جىلىنىڭ باستالۋى بويىنشا دايىندىق جۇمىستارى قارقىندى ءجۇرىپ جاتىر. كەشە عانا ءبىلىم جانە عىلىم ءمينيسترى اسحات ايماعامبەتوۆ وسىعان بايلانىستى شەشىم شىعارىپ، حالىققا جاريالاعان بولاتىن. ەندى سول شەشىمگە توقتالا كەتەيىن. قازىرگى تاڭداعى ەڭ باستى پروبلەما - وقۋشىلار مەن پەداگوگتاردىڭ دەنساۋلىقتارىنىڭ قاۋىپسىزدىگى. قازىرگى ۋاقىتتا احۋال قيىن، دەنساۋلىق سالاسىنىڭ مالىمەتتەرى بويىنشا جىلدا كۇزدە بولاتىن ورۆي، تۇماۋ اۋرۋلارى كوبەيەدى. سوندىقتان قابىلدانعان شەشىم: 1 قىركۇيەكتەن باستاپ، بارلىق مەكتەپتەر قاشىقتىقتان وقۋ فورماتىمەن وقيتىن بولادى".

بۇعان وقۋشىلاردان بۇرىن اتا-انالاردىڭ الاڭدايتىنى ءسوزسىز. سوندىقتان شەنەۋنىك بيىلعى قاشىقتان وقىتۋدىڭ ەرەكشەلىكتەرىنە توقتالدى. ونىڭ ايتۋىنا قاراعاندا ءبىرىنشى قىركۇيەكتەن باستالاتىن العاشقى توقسان تولىقتاي الىستان وقىتۋ فورماتىندا جۇرگىزىلەدى. بۇل بارلىق مەكتەپتەردىڭ 1-دەن 11 سىنىبىنا دەيىن قاتىستى.

ودان ءارى گ.رايىمبەكوۆا قازىر اپتالىق مونيتورينگتەر جۇرگىزىلۋدە ەكەنىن ايتتى. وسى ارقىلى ءبىز قاۋىپتىڭ دەڭگەيىن انىقتايتىن بولامىز.

بىلتىرعى جىلدىڭ ءتورتىنشى توقسانىنداعى تاجىريبەگە قاراعاندا اۋىلدى جەرلەردە ورنالاسقان تولىق ەمەس مەكتەپتەردە وقۋ پروتسەسىن ءداستۇرلى تۇردە جۇرگىزۋگە بولادى. قازىر وبلىستا ونداي مەكتەپتەردىڭ سانى 287، ولار 14 مىڭ بالانى قامتىعان. وسىنداعى وقۋشىلار سانيتارلىق قاۋىپسىزدىكتىڭ ءتورت ساتىلى شارالارىمەن قورعالادى. الدىمەن اياقتارىن دەزينفەكتسيالانعان كىلەمشەگە سۇرتەدى، ەكىنشىدەن ىستىقتارى تەكسەرىلەدى، سونداي-اق ماسسالىق رەجىم مەن سانيتايزەرلەر قولدانىلادى.

قالالىق جانە ءىرى ەلدىمەكەندەردە الىستان وقىتۋدىڭ ەرەكشەلىكتەرىن ايتقاندا شەشەن بىلتىر كەيبىر وتباسىلاردىڭ كومپيۋتەرلەرمەن قامتىلماعانىن اۋىزعا الدى. مۇنداي جاعدايدا كەيبىر وقۋشىلار ءىت بىلىكتىلىك تانىتىپ، اقپاراتتاردى وزدەرى تاۋىپ وتىردى. وسى ماسەلەنى ەسكەرىپ، ءبىز جاڭادان 580 كومپيۋتەر ساتىپ الدىق. وقۋ جىلى باستالعانشا ۇنەمدەلگەن قاراجات ەسەبىنەن تاعى دا 200 ملن تەڭگەگە 1 مىڭداي كومپيۋتەر ساتىپ الماقشىمىز.

جاز ماۋسىمىندا پەداگوگتار مەن اتا-انالاردىڭ ۇسىنىسى ەسكەرىلىپ، ينتەرنەت-تۇعىرنامانى تيىمدىرەك جۇمىس ىستەتۋ ءۇشىن باعدالامالار جەتىلدىرىلدى. قازىردىڭ وزىندە جاڭارتىلعان باعدارلاما 1-ءشى جانە 2-ءشى توقسانعا دايىن. سونىمەن بىرگە بىلتىرعىداي تەلەساباقتار تۆ-دان كورسەتىلۋ ارقىلى جالعاساتىن بولادى.

ءسوزىنىڭ سوڭىندا گ.رايىمبەكوۆا بيىلعى جىلعى ءبىرىنشى سىنىپقا قابىلداۋ ءوتىنىشى 1 تامىزعا دەيىن قابىلداناتىنىن ايتتى. سونىمەن بىرگە مەديتسينالىق اقنىقتاما بالالاردان تالاپ ەتىلمەيدى ەكەن.

سوڭعى جاڭالىقتار

ەلگە كەرەك ەكى كىتاپ

رۋحانيات • بۇگىن، 08:52

«عارىشقا اپارار جول»

رۋحانيات • بۇگىن، 08:50

العاشقى عارىش ايلاعى

وقيعا • بۇگىن، 08:48

تاريحي جەرلەردىڭ تاعىلىمى بولەك

رۋحانيات • بۇگىن، 08:30

شيرەك فينالدا ءسۇرىندى

تەننيس • بۇگىن، 08:11

ەل-كلاسيكودا جەڭىسكە جەتتى

فۋتبول • بۇگىن، 08:06

رۋحى بيىك ەل ەشقاشان جەڭىلمەيدى

رۋحانيات • بۇگىن، 08:05

يزرايلدەن باسىم ءتۇستى

سپورت • بۇگىن، 08:04

عىلىمنىڭ جاڭا بەلەسى

عىلىم • بۇگىن، 08:01

ۇلتتىق ۇردىستەر ۇزىلمەيدى

قازاقستان • كەشە

ۇقساس جاڭالىقتار