بۇل جولى ءازىربايجان ارمەنيانى توۆۋز وبلىسى ماڭىنداعى شەكارادا اتىستى توقتاتۋ ەرەجەلەرىن بۇزدى دەپ ايىپتايدى. 12-ءشى شىلدەدە ءازىربايجاننىڭ قورعانىس مينيسترلىگى ارمەنيامەن شەكاراداعى اتىس تۋرالى مالىمدەدى.
ۆەدومستۆونىڭ حابارلاۋىنشا, ارميان اسكەريلەرى اگدام اۋلىنا وق جاۋدىرعان. ال ارمەنيا تاراپى اسكەريلەر بەيبىت تۇرعىندارعا ەمەس, ءازىربايجان ارمياسىنىڭ ينجەنەرلىك قۇرىلىمدارىنا وق اتقانىن مويىندادى.
تاۋلى قاراباق جانجالىنىڭ قايتا ۋشىعۋى الەم ەلدەرىن سارساڭعا سالدى. ال ەلىمىز بۇل بىتپەس داۋدىڭ بەيبىت جولمەن شەشىلۋىن قولدايدى. سىرتقى ىستەر مينيسترلىگىنىڭ رەسمي مالىمدەمەسىندە, قازاقستان حالىقارالىق كەلىسىم قۇجاتتارىنا سۇيەنە وتىرىپ, تاراپتاردى وق اتۋدى توقتاتۋعا شاقىراتىنىن بىلدىرگەن.
