ايماقتار • 15 شىلدە، 2020

قالا ىرگەسىندەگى اۋىلداردا اۋقىمدى تىرلىك بار

223 رەت كورسەتىلدى

قىزىلوردا قالاسىنىڭ اكىمى نۇرلىبەك نالىباەۆ شاھارعا قاراستى اۋىلداردا بولىپ، "اۋىل – ەل بەسىگى" جانە "جۇمىسپەن قامتۋ جول كارتاسى" باعدارلاماسىنا ساي جۇرگىزىلىپ جاتقان جۇمىستار بارىسىمەن تانىستى، دەپ حابارلايدى Egemen.kz.

شاھار باسشىسى ەڭ الدىمەن اقسۋات اۋىلدىق وكرۋگىندە "اۋىل – ەل بەسىگى"  باعدارلاماسى اياسىندا جۇزەگە اسىپ جاتقان №143 ورتا مەكتەپتىڭ كۇردەلى جوندەۋ جۇمىستارىنىڭ ساپاسىن تەكسەردى. 1982 جىلى سالىنعان مەكتەپ اراعا 38 جىل سالىپ كۇردەلى جوندەۋدەن وتۋدە. نىساندا اۋىلدىڭ جۇمىسسىز جۇرگەن 40 ازاماتى جۇمىسپەن قامتىلعان. قالا اكىمى ىشكى جۇمىستاردا ولقىلىقتاردى انىقتاپ، كەلىءسىم شارتتى قايتا زەردەلەۋدى جاۋاپتى سالا باسشىلارىنا تاپسىردى.

1

مۇنان كەيىن قالا اكىمى اۋىل ورتالاعىندا ورنالاسىپ، ءۇ.توقماعامبەتوۆا كوشەسىندەگى اسفالت توسەۋ جۇمىستارىن كوردى.

بيىل اقسۋاتتا 16 كوشە "اۋىل – ەل بەسىگى»رەسپۋبليكالىق باعدارلاماسى بويىنشا  ورتاشاجوندەۋدەن ءوتىپ، ونىڭ 7 كوشەسىنە اسفالت سالىنسا، قالعان 9 كوشەگە قيىرشىق  تاس  توسەلەدى. مۇنان بولەك تاعى ءبىر كوشەگە قيىرشىق تاس توسەۋ جۇمىستارى "وڭىرلەردى دامىتۋدىڭ 2020-2025 جىلدارعا دەيىنگى باعدارلاماسى" شەڭبەرىندە جۇزەگە اسۋدا. ال جەرگىلىكتى بيۋدجەت ەسەبىنەن 1 كوشەگە تاس توسەۋ جانە تۇرعىندار ءۇشىن اۋىل ورتالىعىنا سپورتتىق كوشە ترەناجەرىن ورناتۋعا قارجى بولىنگەن. سونىمەن قاتار وتكەن جىلى كۇردەلى جوندەۋدەن وتكەن "اسىل-اي" بالاباقشاسىنا قاجەتتى جابدىقتار الۋعا وبلىستىق بيۋدجەتتەن قارجى قارالىپ، جۇمىستار جۇرگىزىلۋدە.

قالاعا قاراستى ءىرى ەلدىمەكەننىڭ ءبىرى اقجارما اۋىلدىق وكرۋگىندە  بيىل جول ماسەلەسى تولىعىمەن شەشىلەدى. اۋلداعى توعاي كوشەسىندە بۇعان دەيىن اسفالت بولماعان. مۇنداعى جول جوندەۋ جۇمىستارىن شاھار باسشىسى ءوزى ارنايى تەكسەرءىپ، قالعان ەكى-ءۇش كوشەنىڭ قۇرىلىسىن وسى جىلى اياقتاۋدى سالا باسشىلارىنا نىقتاپ تاپسىردى. اۋىل ورتالىعىندا بۇدان بولەك جەرگىلىكتى بيۋدجەتتەن سپورتتىق كوشە ترەناجەرىن، جارىق باعانالارىن ورناتۋعا قارجى ءبولىنگەن.  قازىر اۋىلدىق وكرۋگتە 6 كوشەگە، ونىڭ ىشىندە جەرگىلىكتى بيۋدجەت ەسەبىنەن 1، "جۇمىسپەن قامتۋ جول كارتاسى" باعدارلاماسىنا ساي 5 كوشەگە ورتاشا جوندەۋ جۇمىستارى جۇرگىزىلۋدە.

2

     وسى كۇنى قالا ىرگەسىندەگى ناۋرىز ساياجايىندا سۋ جيناۋ قويماسىنىڭ قۇرىلىسى اياقتالىپ، تۇرعىندار تولىق سۋ جۇيەسىنە قوسىلدى. "وڭىرلەردى دامىتۋ –2020" باعدارلاماسى اياسىندا جۇزەگە اسقان اۋىز سۋ جيناۋ قويماسىن "مەليوراتور" سەرىكتەستىگى سالدى.

قازىر "جۇمىسپەن قامتۋ جول كارتاسى" باعدارلاماسى اياسىندا قالا بويىنشا 1850 ادام جۇمىسپەن قامتىلعان. ونىڭ 1271-ءى جۇمىسپەن قامتۋ ورتالىعى ارقىلى جولدانعان ازاماتتار.

سوڭعى جاڭالىقتار

ۇقساس جاڭالىقتار