ايماقتار • 15 شىلدە، 2020

پاۆلوداردا اسكەري انت العاش رەت ونلاين رەجيمدە قابىلداندى

9 رەت كورسەتىلدى

سالتاناتتى ءراسىم قر ۇلتتىق ۇلانىنىڭ 5512 اسكەري بولىمشەسىندە ءوتتى، دەپ حابارلايدى pavlodarnews.kz ءتىلشىسى.

بولىمشەنىڭ تاربيە جانە الەۋمەتتىك جۇمىس توبىنىڭ باستىعى اڭسار شاكەنوۆ اتاپ وتكەندەي، وسى ءراسىم كەزىندە 150 جاس ۇلان وتانعا دەگەن ادالدىعى تۋرالى انت قابىلدادى.

"كارانتينگە بايلانىستى انت قابىلداۋدى ونلاين-رەجيمدە وتكىزۋدى شەشتىك"، - دەيدى اڭسار شاكەنوۆ. - تىكەلەي ەفيرگە نۇر-سۇلتان قالاسى، اقمولا، الماتى جانە ماڭعىستاۋ وبلىسى قاتىستى. بارلىعى مىڭنان استام جازىلۋشىلار: ساربازداردىڭ اتا-انالارى مەن جاقىندارى. ءىس-شارا اسكەري بولىمشەنىڭ اۋماعىندا ءوتتى.

اڭسار شاكەنوۆ ايتقانداي، ءارى قاراي ۇلتتىق ۇلان ساربازدارى 5512 بولىمشەسىندەگى قىزمەت ەتۋىن جالعاستىرادى.

"قىزمەت بۇرىنعىسىنشا وتۋدە"، - دەيدى اڭسار شاكەنوۆ. - ارينە، كارانتيندىك ءىس-شارالار ساقتالۋدا: ساربازدارعا انتيسەپتيكتەر، بەتپەردەلەر بەرىلەدى، ال بولىمشەنىڭ ءوزى تۇراقتى تۇردە زالالسىزداندىرىلادى.

ايتا كەتەيىك، بىلتىر 5512 اسكەري بولىمشەسىنە 30 جىل تولدى. وعان پاۆلودارداعى قوعامدىق ءتارتىپتى ساقتاپ، ازاماتتاردى قورعاۋ مىندەتى جۇكتەلگەن.

سوڭعى جاڭالىقتار

شىمكەنتتە 5 شاعىناۋدانعا گاز جۇيەسى تارتىلۋدا

وڭتۇستىك قازاقستان • بۇگىن، 16:05

COVID-19: ابدىراعان ارگەنتينا

الەم • بۇگىن، 11:25

ۇقساس جاڭالىقتار