كوروناۆيرۋس ىندەتىن جۇقتىرىپ, اۋرۋمەن ارپالىسىپ جاتقان ناۋقاستارعا جاساندى تىنىس الۋ اپپاراتتارىن الىپ بەرىپ جاتقان دەمەۋشى ازاماتتار دا از ەمەس. "قازفوسفات" جاۋاپكەرشىلىگى شەكتەۋلى سەرىكتەستىگىنىڭ باس ديرەكتورى, قازاقستاننىڭ ەڭبەك ەرى مۇقاش ەسكەندىروۆ قيىن-قىستاۋ كەزەڭدە جامبىلدىقتارعا كومەك كورسەتتى. ول ءوزىنىڭ جەكە قاراجاتىنىڭ ەسەبىنەن ارقايسىسىنىڭ قۇنى 580 مىڭ تەڭگە تۇراتىن جاساندى تىنىس الۋ اپپاراتتارىن ساتىپ الىپ, جامبىل وبلىستىق اۋرۋحاناسىنا تاپسىردى.
ء"بىز اۋىرىپ ەم ىزدەپ ەمەس, اۋىرمايتىن جول ىزدەۋىمىز كەرەك. اۋىرمايتىن نەگىزگى جول – بارىنشا ساقتىق شارالارىن ساقتاۋ بولىپ وتىر. ءالى دە كەيبىر ادامداردىڭ تارتىپكە باعىنباي, ءتۇرلى جيىندار جاساپ جاتقانىن ەستىپ كەلەمىز. ءبىز ەگەر بۇگىنگى كۇنىمىزدى عانا ويلايتىن بولساق, وندا ونىڭ سوڭى قايعىلى جاعدايمەن اياقتالۋى مۇمكىن. مەن وبلىستىڭ, قالانىڭ تۇرعىندارىنان ۇيدە وتىرىپ, قاۋىپسىزدىك ماسەلەسىن بارىنشا ساقتاۋدى سۇرايمىن", دەيدى ەڭبەك ەرى.
جامبىل وبلىسى
