ۇكىمەت • 14 شىلدە، 2020

ۇكىمەت باسشىسى پاندەميامەن كۇرەس تيىمدىلىگىن ارتتىرۋ ءۇشىن قۇزىرلى ورگاندارعا بىرقاتار مىندەت جۇكتەدى

55 رەت كورسەتىلدى

ۇكىمەت باسشىسى اسقار مامين قازاقستاندىقتاردى كارانتين تالاپتارىن قاتاڭ ساقتاۋعا شاقىردى، دەپ جازادى Egemen.kz

"مەملەكەت باسشىسى قاسىم-جومارت توقاەۆ ۇكىمەتتىڭ كەڭەيتىلگەن وتىرىسىندا الداعى كەزەڭگە بىرقاتار ناقتى مىندەتتەمە بەلگىلەدى. وسى تاپسىرمالار بويىنشا مەملەكەتتىك ورگانداردىڭ ۇسىنىستارىن تىڭدادىق. بۇل رەتتە ۇسىنىستاردى ەسكەرە وتىرىپ، كەلەسى شارۋالاردى تاپسىرامىن"، - دەدى اسقار مامين ۇكىمەت وتىرىسىندا.

اسقار مامين الدىمەن كوروناۆيرۋس پاندەمياسىمەن كۇرەس جۇرگىزۋ ءۇشىن قۇزىرلى ورگاندارعا بىرقاتار مىندەت جۇكتەدى.

"قاتاڭ كارانتيندىك شارالاردىڭ ەكىنشى اپتاسى ءوتىپ جاتىر. ۆيرۋستىڭ تارالۋى بويىنشا جاعداي كۇردەلى. دەنساۋلىق ساقتاۋ مينيسترلىگىنىڭ ۇسىنىسى بويىنشا ەپيدەميولوگيالىق احۋالدى ودان ارى تۇراقتاندىرۋ ءۇشىن شەكتەۋ شارالارىن تاعى ەكى اپتاعا، 20 شىلدەدەن باستاپ 2 تامىزعا دەيىن ۇزارتۋ تۋرالى شەشىم قابىلداپ وتىرمىز. وسى رەتتە بارلىق قازاقستاندىقتادى كارانتين تالاپتارىن قاتاڭ ساقتاۋعا شاقىرامىن. بۇل شارالار اسا ماڭىزدى. دەنساۋلىق ساقتاۋ مينيسترلىگى اكىمدىكتەرمەن، مۇددەلى مەملەكەتتىك ورگاندارمەن كارانتيندى ودان ارى جۇزەگە اسىرۋ ءۇشىن بارلىق شارالاردى ىسكە اسىرسىن"، - دەدى ول.

ۇكىمەت باسشىسى ءدارى-دارمەكتىڭ قاجەتتى قورى بارىن ايتىپ ءوتتى.

ء"ارى ول ۇنەمى تولىقتىرىلىپ وتىرادى. ولاردى ءدارىحانالار مەن ستاتسيونارلارعا ناقتى ءبولۋ بويىنشا بارلىق شارالاردى قامتاماسىز ەتۋ قاجەت. اتىراۋ جانە ماڭعىستاۋ وبلىستارىندا ۆيرۋستى جۇقتىرعاندار سانىنىڭ ارتۋىنا بايلانىستى جاعدايدى تۇراقتاندىرۋ ءۇشىن وسى وڭىرلەرگە ماماندار جىبەرىلدى. بۇل شارا اتىراۋ وبلىسىن - 102، ماڭعىستاۋ ءوڭىرىن 56 مامانمەن جۇمىستى نىعايتۋعا مۇمكىندىك جاسايدى. اتالعان اكىمدىكتەر جىبەرىلگەن ماماندارعا كومەك كورسەتسىن"، - دەدى ول.



سوڭعى جاڭالىقتار

ۇقساس جاڭالىقتار