پىكىر • 14 شىلدە، 2020

بۇل – مىلتىقسىز مايدان

162 رەت كورسەتىلدى

بۇل – قازاقتىڭ باسىنا عانا ەمەس، بارشا ادامزات بالاسىنا كەلگەن زۇلمات بولىپ وتىر. شارتاراپتى شارلاعان ىندەتتەن قايتىس بولعان ازاماتتاردىڭ وتباسىلارىنا قايعىرا كوڭىل ايتامىن.

ەلىمىزدە جاسى بار، جاسامىسى بار تالاي ازاماتتى ىندەت جالماپ الدى. حالقىمىزدىڭ تاريحىندا بۇ­رىن دا ناۋبەتتى جىلدار بولعان. ول تاۋقىمەتتەن دە سۇيرەتىلىپ، زورعا امان قالدىق. ەندى مىنا ىندەت بەتپە-بەت كەلىپ تۇرعان جاۋ ەمەس. بۇل  – شەرحان مۇرتازا ايتقانداي، «مىلتىقسىز مايدان». وسى جولدا پرەزيدەنتتىڭ وزىنەن باس­تاپ كۇرەسىپ جاتىر. اسىرەسە دا­رىگەرلەردىڭ ەڭبەگى وتە زور. وكى­نىشكە قاراي، اتى جامان اۋرۋ ءالى دە ءورشىپ تۇر. جان-جاق­تان كەلگەن قارالى حابارلار جەلدەي ەسۋدە. بۇعان جۇرەك سىزداپ، قابىرعامىز قايىسىپ وتىر. دەگەنمەن، وسىنداي سىناق ۋاقىتتا وسالدىق تانىتپاۋىمىز كەرەك. بۇل كەزەڭدە ەڭ ۇلكەن باتىرلىق – اركىمنىڭ ءوز جاۋاپكەرشىلىگى. قاتاڭ شارالاردى ساقتاپ، ۇيدە وقشاۋلانساق، ەلىمىزگە، ەكونوميكامىزعا كورسەتىلگەن ۇلكەن كۇش بولماق.

 

تەمىرحان مەدەتبەك،

اقىن، مەملەكەتتىك سىيلىقتىڭ لاۋرەاتى

سوڭعى جاڭالىقتار

شىمكەنتتە 5 شاعىناۋدانعا گاز جۇيەسى تارتىلۋدا

وڭتۇستىك قازاقستان • بۇگىن، 16:05

COVID-19: ابدىراعان ارگەنتينا

الەم • بۇگىن، 11:25

ۇقساس جاڭالىقتار