رۋحانيات • 14 شىلدە، 2020

«بىلەۋلى» ءھام «اناعا تاعزىم»

18 رەت كورسەتىلدى

ماڭعىستاۋ وبلىسى بەينەۋ اۋدانىندا «بىلەۋلى» دەپ اتالاتىن كەرۋەن سارايدىڭ قاقپاسى مەن «اناعا تاعزىم» ەسكەرتكىشتەرى بوي كوتەردى.

بىلەۋلى كەرۋەن سارايى – XIV عا­سىردان بەرى ساقتالعان ساۋلەت ونەرىنىڭ ەسكەرتكىشى. جىبەك جولىنىڭ ءبىر تارماعى، نوعايلى جولىنىڭ بويىندا، ءۇستىرتتىڭ قاراقالپاق بولىگىندە ورنالاسقان. سول­تۇستىك پەن وڭتۇستىكتى جالعاستىراتىن كە­رۋەن جولى بولعاندىقتان، ونىڭ بويىنا ءاربىر 25 كم سايىن كەرۋەن سارايلار سالعىزعان. قۇلاعان عيماراتتىڭ 8 مەترگە جۋىق ەكى باعاناسى مەن قاقپاسى ساقتالعان. بىلەۋلى كەر­ۋەن سارايىنىڭ ەكى قاباتى باتىس پەن شىعىس قابىرعالارىنىڭ ءون بويىندا جەتى-جەتىدەن 14 بولمە بار. كەرۋەن سارايدىڭ ىشكى اۋلاسىندا تەرەڭ شىڭىراۋ قۇدىق بولعان. ەسكەرتكىشتىڭ ءون بويىندا ماڭعىستاۋ وڭىرىنە ءتان ايشىقتار بەينەلەنگەن. جاڭا ساۋلەت نى­سانىنىڭ بوي كوتەرۋىنە اۋدان كاسىپ­كەرلەرى تاجماعامبەت جۇبانوۆ، سۇڭعات ءبورىباي ۇلى مەن گۇلميرا تاجماعامبەتقىزى ىقپال ەتتى.

 سونىمەن قاتار ماڭعىستاۋدىڭ ءتول پەرزەنتى، ساۋلەتشى بولاتبەك سالاەۆ بەينەۋ اۋدانىنا «اناعا تاعزىم» ەسكەرتكىشىن سىيعا تارتتى. جاڭا تۋىندىدا انانىڭ بالاعا دەگەن مەيىرىمى ەرەكشە كورسەتىلگەن. ايەل بەينەسى ارقىلى قازاق قىزىنىڭ يناباتتىلىعىن، بيازىلىعىن، قازاق­قا ءتان مىنەزىن سيپاتتاعان. انا­نىڭ وڭ قولىنا ءسابيىن ۇستاپ، العا قا­راي ءبىر قادام جاساپ تۇرعانىنىڭ ءمانى – ءتۇن ۇيقىسىن ءتورت ءبولىپ، ءبىر قولى­مەن بەسىك، ەكىنشى قولىمەن الەمدى تەربەتكەن، ءسابيىن قۇندى قاسيەت­تەرگە تاربيەلەگەن، اق سۇتىمەن ادام­گەرشىلىك دارىتقان انالارعا تاعزىم رەتىندە بەينەلەنگەن. ال كيىم-كەشەكتەگى ءار ويۋ-ورنەك سالت-ءداس­تۇرى­مىزدىڭ بولمىسىن سيپاتتايدى.

– جاس ءمۇسىنشى رەتىندە وسىنداي اۋقىمدى تاقىرىپتا ۇلكەن ءمۇسىن جاساۋ مەنىڭ ماقساتتارىمنىڭ ءبىرى بولدى. جۇمىس بارىسىندا انالارىمىزدىڭ مەيىرىمگە تولى بەينەسىن، ۇلتىمىزدىڭ باي ءداستۇرىن جەتكىزگىم كەلدى، – دەيدى بولاتبەك ەركەباي ۇلى.

ەلباسىنىڭ «بولاشاققا باعدار: رۋحاني جاڭعىرۋ» ماقالاسىندا ءاربىر ازامات تۋعان جەرىن كوركەيتۋگە ات سالىسۋ كەرەكتىگى ايتىلعان بولاتىن. بەينەۋ اۋدانىندا العاش رەت اشىلعان بۇل ستەللانى قوعامداعى، وتباسىنداعى انا مارتەبەسىن كوتە­رۋدىڭ ۇلكەن ۇلگىسى دەۋگە بولادى.

قوس جوبا ىندەتتەن قينالعان تۇر­­­عىنداردىڭ كوڭىلىنە قۋانىش سىي­لاعان جاڭالىق بولدى.

 

ماڭعىستاۋ وبلىسى،

بەينەۋ اۋدانى

 

سوڭعى جاڭالىقتار

اداسقان بالالار امان-ەسەن تابىلدى

ايماقتار • 07 تامىز، 2020

ۇقساس جاڭالىقتار