ايماقتار • 14 شىلدە، 2020

قاراعاندىلىق اكىمدەر الەۋمەتتىك جەلىلەردىڭ قۇلاعىندا وينايتىن بولدى

19 رەت كورسەتىلدى

قاراعاندى وبلىسىنىڭ اكىمى جەڭىس قاسىمبەك وڭىردەگى قالالار مەن اۋدانداردىڭ اكىمدەرىنە الەۋمەتتىك جەلىلەردە تۇرعىندارمەن كەرى بايلانىس ورناتۋ جۇمىسىنىڭ تيىمدىلىگىن ارتتىرۋ جونىندە تاپسىرما بەردى، دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.

ياعني، بۇدان بىلاي اكىمدەر الەۋمەتتىك جەلىلەردەگى بەلسەندىلىكتەرىن ارتتىرىپ، Facebook پەن Instagram-دا ءوز اككاۋنتتارىن جۇرگىزۋمەن قاتار، "اكىم ساعاتى" تىكەلەي ەفيرىن وتكىزۋگە مىندەتتى بولدى.

وبلىس اكىمى جەڭىس قاسىمبەك پاندەميانىڭ اكىمدىكتەردىڭ جۇمىسىنا تىكەلەي اسەرىن تيگىزىپ، وزگەرىستەر ەنگىزىپ جاتقانىن اتاپ ءوتتى. ماسەلەن، قازىرگى تاڭدا جەكە قابىلداۋلار وتكىزىلمەيدى، حالىقپەن جيىندار مەن كەزدەسۋلەر ۇيىمداستىرۋعا بولمايدى. ياعني، مۇنداي جاعدايدا ازاماتتاردىڭ ماسەلەلەرىن شەشۋ جانە وتىنىشتەرىنە قۇلاق اسۋ ءۇشىن قاراپايىم ءارى ءتيىمدى مەحانيزم ۇسىنۋدىڭ قاجەتتىلىگى تۋىندادى.

"وبلىس تۇرعىندارىنىڭ وڭىردەگى بارلىق دەڭگەيدەگى اكىمدەرمەن تىكەلەي ءوزارا ارەكەتتەستىك ورناتۋ مۇمكىندىگى بولۋى ءتيىس. "اكىم ساعاتى" اۋىل جانە قالا تۇرعىندارىنىڭ ناقتى ماسەلەلەرىن شەشۋ بويىنشا ءتيىمدى الاڭقايعا اينالادى دەگەن سەنىمدەمىن"، دەدى اپپارات كەڭەسىندە جەڭىس قاسىمبەك.

مۇنداي ەفيرلەر سەيسەنبى كۇنى ساعات 09.00-دەن 10.00-گە دەيىن جانە جۇما كۇنى ساعات 15.00-دەن 16.00-گە دەيىن اپتاسىنا ەكى رەت وتكىزىلەتىن بولدى. مىسالى، نۇرا اۋدانىنىڭ اكىمى سەيسەنبى جانە جۇما كۇندەرى ساعات 11.00-دەن 12.00-گە دەيىن حالىقپەن ينتەرنەت-كەزدەسۋلەر وتكىزسە، ۇلىتاۋ اۋدانىڭ باسشىسى دا سول كۇندەرى 12:00-دەن 13:00-گە دەيىن ونلاين-كەزدەسۋ ۇيىمداستىرادى.

قالا جانە اۋدان اكىمدەرى تۇرعىندار تاراپىنان قويىلاتىن سۇراقتارعا ونلاين رەجءىمىندە جاۋاپ بەرىپ، ولاردىڭ ءوتىنىش-تىلەكتەرىن قابىلدايتىن بولادى.

سوڭعى جاڭالىقتار

قحل كەستەسى جاريالاندى

حوككەي • بۇگىن، 08:16

تايجان مۇراسى توزبايدى

رۋحانيات • بۇگىن، 08:15

95 جاسىندا كۋالىك الدى

وقيعا • بۇگىن، 08:11

جەمقورلار اللەياسى كەرەك پە؟

ساياسات • بۇگىن، 08:03

ەكپەنى وزدەرىنە سالدىردى

قوعام • بۇگىن، 08:00

پاندەميا كەزىندەگى پەرزەنتحانا

مەديتسينا • بۇگىن، 07:57

جاڭا ماۋسىمداعى وزگەرىستەر

فۋتبول • بۇگىن، 07:37

قاتەرلى ماۋسىم

الەم • بۇگىن، 07:26

ۇزدىك 8 كوماندا انىقتالدى

فۋتبول • بۇگىن، 07:20

قۇلقىن ءھام قۇلدىق

قوعام • بۇگىن، 07:15

ءتىلسىز جاۋدىڭ تاقسىرەتى

ايماقتار • بۇگىن، 07:08

تەگىن ءدارى-دارمەك كىمگە تيەسىلى؟

مەديتسينا • بۇگىن، 06:50

شاراپاتى مول «شەت-كومەك»

ەكونوميكا • بۇگىن، 06:39

ەگىنگە وراق ەرتە ءتۇستى

قوعام • بۇگىن، 06:33

جەزقازعانعا گاز جەتكەندە...

ەكونوميكا • بۇگىن، 06:31

«ينتەر» – جارتىلاي فينالدا!

سپورت • بۇگىن، 02:50

ۇقساس جاڭالىقتار