سونداي-اق اتالعان اۋماقتاردا كەلەسى ەرەجەلەردى قاتاڭ ۇستانا وتىرىپ جاياۋ جانە ۆەلوسيپەدپەن سەرۋەندەۋگە تەك جۇمىس كۇندەرى رۇقسات ەتىلەدى:
1. وزىمەن بىرگە ازىق-ت ۇلىك (سۋسىننان باسقا) الىپ كەلۋگە, وتىرىستار ۇيىمداستىرۋعا جانە وت جاعۋعا قاتاڭ تىيىم سالىنادى;
2. پارك اۋماعىندا ءۇش ادامنان ارتىق توپتاسۋعا بولمايدى;
3. سانيتارلىق نورمالاردى جانە الەۋمەتتىك ارا قاشىقتىقتى ۇستانۋ قاجەت (ماسكا كيۋ, ادامدار اراسىندا قاشىقتىق ساقتاۋ).
دەمالىس كۇندەرى (سەنبى جانە جەكسەنبى) ۇلتتىق پارك اۋماعى كەلۋشىلەر ءۇشىن تولىعىمەن جابىق بولادى.
كارانتين شارالارىنىڭ ساقتالۋىن تجد, قۇقىق قورعاۋ ورگاندارى, سەس جانە ۇلتتىق پارك قىزمەتكەرلەرى بىرلەسىپ قاداعالايتىن بولادى. جوعارىدا كورسەتىلگەن ەرەجەلەردى بۇزعان ازاماتتار پارك اۋماعىنان شىعارىلىپ, اكىمشىلىك جاۋاپكەرشىلىككە تارتىلادى.
قالا تۇرعىندارىنا كارانتين كەزىندە تاۋعا بارماۋعا كەڭەس بەرىلەدى.
