قازاقستان • 13 شىلدە، 2020

ازەربايجان ەلشىلىگى قازاق ەلىنىڭ قايعىسىنا ورتاقتاسىپ، تۋىن تومەن ءتۇسىردى

1007 رەت كورسەتىلدى

بۇگىن ەلىمىزدە "جالپىۇلتتىق ازا تۇتۋ كۇنىنە" بايلانىستى ازەربايجاننىڭ قازاقستانداعى ەلشىلىگى قازا تاپقان وتباسىلارعا كوڭىل ايتىپ، ەم قابىلداپ جاتقاندارعا تەزىرەك ايىعىپ كەتۋىن تىلەدى. بۇل تۋرالى ەلشىلىك ءوزىنىڭ Facebook پاراقشاسىندا حابارلايدى، دەپ جازادى Egemen.kz

"قازاقستان رەسپۋبليكاسىندا 13 شىلدە − "جالپىۇلتتىق ازا تۇتۋ كۇنى" بولىپ جاريالانۋىنا بايلانىستى ازەربايجان رەسپۋبليكاسىنىڭ قازاقستانداعى ەلشىلىگى باۋىرلاس قازاقستان حالقىنىڭ قايعىسىنا ورتاقتاسىپ، كوڭىل ايتادى. وسىنداي قيىن ساتتە باۋىرلاس قازاقستان حالقىنا قولداۋ ءبىلدىرۋ ماقساتىندا ەلشىلىك ۇلتتىق تۋدى تومەن تۇسىرگەنىن مالىمدەيدى"، دەلىنگەن ەلشىلىكتىڭ حابارلاماسىندا.

سوڭعى جاڭالىقتار

ۇقساس جاڭالىقتار