پارلامەنت • 13 شىلدە، 2020

سەنات دەپۋتاتتىعىنا 94 كانديدات ۇسىنىلدى

222 رەت كورسەتىلدى

وتىرىس بارىسىندا ورتالىق سايلاۋ كوميسسياسى توراعاسى بەرىك يماشەۆ اۋماقتىق سايلاۋ كوميسسيالارى ۇسىنعان مالىمەتتەرگە سايكەس رەسپۋبليكا بويىنشا ۇسىنۋ كەزەڭىندە سەنات دەپۋتاتتىعىنا 94 كانديدات ۇسىنىلعانىن ايتتى، - دەپ جازادى Egemen.kz.

"سالىستىرمالى تۇردە 2017 جىلى سەناتقا كەزەكتى سايلاۋدا 89 كانديدات ۇسىنىلعان، 2014 جىلى – 88، 2011 جىلى – 96 كانديدات ۇسىنىلعان بولاتىن. قازىرگى ۋاقىتتا سەنات دەپۋتاتتىعىنا كانديداتتاردى تىركەۋ پروتسەسى ءجۇرىپ جاتىر. ول وسى اعىمداعى جىلدىڭ 23 شىلدەسىنە دەيىن جالعاسادى"، - دەدى بەرىك يماشەۆ.

ونىڭ ايتۋىنشا، سەناتوردىڭ ءبىر مانداتىنا ورتاشا العاندا 5 ۇمىتكەردەن كەلەدى.

"قر وسك اقپاراتى بويىنشا، پارلامەنتتىڭ جوعارعى پالاتاسىندا ورتاشا ەسەپپەن 5 ۇمىتكەر ءبىر ورىنعا ۇمىتكەر. بيىلعى جىلى ۇمىتكەرلەردىڭ ەڭ كوپ سانى الماتى وبلىسىندا – 9، نۇر-سۇلتان قالاسىندا – 8، ەڭ ازى – 4 ۇمىتكەر شىعىس قازاقستان، قوستاناي وبلىستارىندا جانە شىمكەنت قالاسىندا ۇسىنىلدى"، - دەيدى وسك توراعاسى.

سوڭعى جاڭالىقتار

ۇقساس جاڭالىقتار