ايماقتار • 13 شىلدە، 2020

پاۆلودار وبلىسىنىڭ تۇرعىندارى ىندەتتەن كوز جۇمعانداردى ەسكە الدى

9 رەت كورسەتىلدى

ءوڭىر اكىمشىلىگى بۇكىل قازاقستان بويىنشا جاريالانعان ءبىر مينۋتتىق ۇنسىزدىككە قاتىستى، دەپ حابارلايدى pavlodarnews.kz ءتىلشىسى.

پاۆلودار وبلىسى اكىمى ءباسپاسوز قىزمەتىنىڭ مالىمدەۋىنشە، 13 شىلدەدە ءدال تۇسكى ۋاقىتتا پاۆلودار وبلىسىنىڭ اكىمى ابىلقايىر سقاقوۆ، ونىڭ ورىنباسارلارى، قۇقىق قورعاۋ ورگاندارىنىڭ باسشىلارى جانە "Nur Otan" پارتياسىنىڭ وكىلدەرى وبلىستىق اكىمشىلىك الدىنداعى الاڭعا شىقتى. ولار بۇكىل ەلمەن بىرگە ىندەت قۇرباندارىن ءبىر مينۋت ۇنسىزدىكپەن ەسكە الدى.

مەملەكەت باسشىسى قاسىم-جومارت توقاەۆ 8 شىلدەدەگى قازاقستاندىقتارعا جاساعان تەلەۇندەۋىندە 13 شىلدەنى كوروناۆيرۋس ىندەتىنىڭ قۇربانى بولعانداردى ەسكە الۋعا بايلانىستى جالپىۇلتتىق ازا كۇتۋ كۇنى دەپ جاريالادى.

ەلىمىزدە تۋلار تومەن ءتۇسىرىلىپ، ويىن-ساۋىق شارالارى توقتاتىلدى، راديوستانتسيالار مەن تەلەارنالار ويىن-ساۋىق باعدارلامالارى مەن جارنامالار تاراتۋدى توقتاتتى.

سوڭعى جاڭالىقتار

اداسقان بالالار امان-ەسەن تابىلدى

ايماقتار • 07 تامىز، 2020

ۇقساس جاڭالىقتار