قازاقستان • 13 شىلدە، 2020

گەن ليپين: تۋىستارى مەن جاقىندارىنان ايىرىلعان قازاقستاندىق دوستارىمنىڭ قايعىسىنا ورتاقپىن

29 رەت كورسەتىلدى

13 شىلدە – بۇل تەك قانا قايتىس بولعانداردى ەسكە الاتىن ازا تۇتۋ كۇنى عانا ەمەس، سونىمەن بىرگە تىرىلەر ءۇشىن جۇبانىش بولىپ تابىلادى. بۇل –  ادام ومىرىنە دەگەن قۇرمەتتىڭ كورىنىسى جانە ءسوزسىز، ادامداردىڭ ەپيدەميانى جەڭۋىنە دەگەن ۇمتىلىسى مەن كۇشىن نىعايتادى.

سوڭعى بىرنەشە اي ىشىندە مەن قازاقستان ۇكىمەتى مەن حالقى كورونوۆيرۋستىق ىندەتكە قارسى قانداي اۋىر كۇرەس جۇرگىزگەنىن جانە بۇل ءۇشىن قانشاما كۇش-جىگەر جۇمساعاندارىنا كۋا بولدىم. مەن قاراپايىم ادام رەتىندە پاندەميا كەزىندە تۋىستارى مەن جاقىندارىنان ايىرىلعان قازاقستاندىق دوستارىمنىڭ قايعىسىنا ورتاقپىن. وسىنىڭ ءبارى ماعان وسى جىلدىڭ ءساۋىر ايىندا تسينمين مەرەكەسى كەزىندە وتكەن قىتايداعى ۇلتتىق ازا تۇتۋ كۇنى تۋرالى تاعى دا ەسكە سالادى. مەن الماتىداعى قىتايدىڭ باس كونسۋلدىعىنىڭ اتىنان جانە جەكە ءوز اتىمنان ىندەتكە قارسى كۇرەستە قازا بولعاندار جانە اۋرۋ قۇرباندارى بويىنشا قايعىعا ورتاقتاسىپ، ولاردىڭ وتباسىلارىنا شىن جۇرەكتەن كوڭىل ايتامىن.

بۇگىنگى تاڭدا بۇكىل الەمدە 12 ميلليوننان استام ادام كوروناۆيرۋس جۇقتىردى، 550 مىڭنان استام ادام ونىڭ قۇربانىنا اينالدى، الەمدىك ەكونوميكانىڭ دامۋى ۇلكەن قيىندىقتارعا تاپ بولدى. وسىنىڭ ءبارى الەمنىڭ بارلىق ەلدەرى ءۇشىن كۇردەلى داعدارىس پەن سىن-قاتەرگە اينالدى. بۇل بىزگە ۆيرۋس ەشقانداي شەكارانى بىلمەيتىنىن، ال پاندەميا ادامزاتتىڭ جالپىعا ورتاق جاۋى بولىپ تابىلاتىنىن جانە الەمنىڭ بارلىق ەلدەرىنىڭ تاعدىرى ءبىر-بىرىمەن تىعىز بايلانىستى ەكەنىن ەسكەرتەدى. ەشكىم دە شەتتە قالا المايدى، جانە تەك بىرىككەن كۇش-جىگەر مەن بىرلەسكەن ءىس-قيمىلدار بارلىعىۇشىن جاقسى جول بولىپ تابىلادى.

«بىرلىك پەن ىنتىماقتاستىق – بۇل ىندەتتى جەڭۋدىڭ ەڭ كۇشتى قارۋى»، – دەدى قحر توراعاسى سي تسزينپين، ال قازاقستان پرەزيدەنتى قاسىم-جومارت توقاەۆ: ء«بىز دەپرەسسيا مەن اپاتياعا ۇشىراۋعا جول بەرمەۋىمىز كەرەك. بۇگىندە ءبىز بىرلىگىمىزدى بۇرىنعىدان دا كوبىرەك كورسەتۋىمىز قاجەت»، – دەپ اتاپ ءوتتى.

كوروناۆيرۋس ىندەتى باستالعاننان بەرى ءبىزدىڭ ەلدەرىمىز ارقاشان بىرگە بولدى، ءبىر-بىرىنە قولداۋ كورسەتتى، ءبىر-بىرىنە كومەكتەستى، شىنايى ىنتىماقتاستىقتا بولدى، قيىندىقتارمەن ءبولىستى، ناقتى ءىس-ارەكەتتەرمەن قىتاي مەن قازاقستان اراسىنداعى ماڭگىلىك جان-جاقتى ستراتەگيالىق ارىپتەستىك قارىم-قاتىناسىنىڭ شىنايىلىعى مەن جوعارى دەڭگەيىن كورسەتتى، سونىمەن بىرگە قىتاي مەن قازاقستاننىڭ ءبىرتۇتاس تاعدىرى قاۋىمداستىعىن بىرلەسىپ قۇرۋ جولىندا ۇمىتىلماس جانە باعالى ورتاق ەستەلىكتەردى قالدىردى.

قاراڭعى بۇلتتار كۇندى تۇتا المايدى جانە بۇل ومىردە ءوتىپ كەتپەيتىن ەشقانداي اپات جوق! ەندەشە سەنىمىمىزدى ودان سايىن ارتتىرىپ، بىرگە كۇش-جىگەر سالىپ، قاتارلاس كۇرەسۋدى جالعاستىرايىق، ادامزات تاريحىنداعى وسى قيىن-قىستاۋ كەزەڭدى بىرگە وتكەرەيىك.

گەن ليپين،

قىتاي حالىق رەسپۋبليكاسىنىڭ الماتىداعى باس كونسۋلى

سوڭعى جاڭالىقتار

اداسقان بالالار امان-ەسەن تابىلدى

ايماقتار • 07 تامىز، 2020

ۇقساس جاڭالىقتار