قازاقستان • 12 شىلدە، 2020

ەلدە كوروناۆيرۋستان قايتىس بولعانداردى ەسكە الۋ ءۇشىن ءبىر مينۋتتىق ۇنسىزدىك جاريالانادى

140 رەت كورسەتىلدى

13 شىلدە جالپىۇلتتىق ازا تۇتۋ كۇنى دەپ جاريالانعان بولاتىن. بۇل تۋرالى بۇعان دەيىن رەسپۋبليكالىق تەلەارنالار ارقىلى ەلىمىزدە قالىپتاسقان احۋالعا بايلانىستى ۇندەۋ جاساعان پرەزيدەنت قاسىم-جومارت توقاەۆ مالىمدەگەن ەدى.

2020 جىلدىڭ 13 شىلدە جالپىۇلتتىق ازا تۇتۋ كۇنى نۇر-سۇلتان ۋاقىتى بويىنشا ساعات 12:00-دە كوروناۆيرۋس ىندەتىنەن قايتىس بولعان ازاماتتاردى ەسكە الۋ ءۇشىن ءبىر مينۋتتىق ۇنسىزدىك جاريالانادى.

«جالپىۇلتتىق ازالى ۇنسىزدىك» شاراسىن "Qazaqstan" ۇلتتىق ارناسى 11:55-تەن باستاپ تىكەلەي ەفيردە كورسەتەدى.

ازا تۇتۋ كۇنىندە "حابار اگەنتتىگى" اق مەن "قازاقستان" تەلەراديوكورپوراتسياسىنا قاراستى تەلە،-راديوارنالار ەفير كەستەسىن تولىقتاي وزگەرتەدى. بارلىق ويىن-ساۋىقتىق باعدارلامالار الىنىپ، جارنامالىق كونتەنت تولىعىمەن توقتاتىلادى. بۇرىنعى كەستەدەن تەك اقپاراتتىق باعدارلامالار عانا ەفيرگە شىعادى.

سوڭعى جاڭالىقتار

ۇقساس جاڭالىقتار