"بۇگىن بالىق شارۋاشىلىعى قىزمەتكەرلەرى كاسىبي مەرەكەلەرىن اتاپ وتۋدە.12 مىڭنان استام ادام وسى سالادا ەلىمىزدەگى مىڭعا جۋىق كاسىپورىندارىندا ەڭبەك ەتەدى. ازىق-ت ۇلىك پەن ەكولوگيالىق قاۋىپسىزدىكتى قامتاماسىز ەتىپ, ەلدىڭ ەكسپورتتىق الەۋەتىن ارتتىرۋدا بالىق شارۋاشىلىعى جۇمىسشىلارىنىڭ ەڭبەگى زور.
بۇل ورايدا, مەملەكەت بالىق شارۋاشىلىعى سالاسىنىڭ دامۋىنا كوپتەپ كوڭىل بولۋدە. زاڭنامالىق بازا تۇراقتى تۇردە جەتىلدىرىلىپ, مەملەكەتتىك قولداۋ شارالارى قامتاماسىز ەتىلىپ جاتىر. سونداي-اق, تاۋارلىق بالىق ءوسىرۋدى دامىتۋعا ەرەكشە نازار اۋدارىپ جاتىرمىز.
بارلىق بالىق شارۋاشىلىعى سالاسىنىڭ قىزمەتكەرلەرىن, سالا ارداگەرلەرىن كاسىبي مەرەكەلەرىمەن قۇتتىقتاي وتىرىپ, ادال ەڭبەكتەرى مەن جوعارى كاسىبي شەبەرلىكتەرى ءۇشىن شىن جۇرەكتەن ريزاشىلىعىمدى بىلدىرەمىن. مىقتى دەنساۋلىق پەن كۇش-قۋات تىلەيمىن", - دەپ جازدى مينيستر ماعزۇم مىرزاعاليەۆ Twitter-دەگى پاراقشاسىنا.
