يادرولىق قارۋسىزدانۋداعى ورتاق ۇستانىم

پارلامەنت سەناتىنىڭ توراعاسى قاسىم-جومارت توقاەۆ قازاقستانعا مەملەكەت باسشىسى ن.ءا.نازارباەۆتىڭ شاقىرۋىمەن ارنايى كەلگەن  بۇۇ باس حاتشىسى پان گي مۋنمەن كەزدەستى. ق.توقاەۆ پەن پان گي مۋننىڭ استاناداعى وسى كەزدەسۋى حالىق­ارا­لىق قاتىناستار سالاسىنداعى ەجەل­دەن ارىپتەس دوستاردىڭ كەزدەسۋى  بول­دى. قىزمەت بابىنا سايكەس ولار بۇ­رىن دا تالاي مارتە كەزدەسكەن. قاسىم-جومارت كەمەل ۇلى جوعارى مارتەبەلى مەيماننىڭ  سەمەي پو­ليگونىندا, كۋرچاتوۆ قالا­سىن­دا بولۋىنا جانە جاھاندىق قارۋسىزدانۋ ۇدەرىستەرى مەن يادرو­لىق قارۋدى تاراتپاۋ ءتارتىبىن نىعايتۋداعى قازاقستاننىڭ رولىنە وراي ماڭىزدى ءمالىم­دە­مەسىنە ريزاشىلىق ءبىلدىردى. ء“سىزدىڭ ساپارىڭىزدى قازاقستان­دىقتار ريزاشىلىقپەن ەسكە الاتىن بولادى”, – دەدى توراعا ءوز سوزىندە. قازاقستان بىرىككەن ۇلتتار ۇيىمىنىڭ ساياساتىن جان-جاقتى قولدايدى. پان گي مۋن قارۋدى تاراتپاۋ جانە يادرولىق قاۋىپتى ەڭسەرۋ سا­لاسىنداعى قازاقستاننىڭ بەل­سەن­دى ءرولى, وسى سالا بويىنشا بە­كىتىلگەن حالىقارالىق كەلى­سىم­دەردى ءبىزدىڭ مەملەكەتىمىز قاتاڭ ساقتايتىنى بۇۇ-دا كەڭىنەن تانىمال ەكەنىن اتاپ ءوتتى. ول قازاقستاننىڭ الەمدىك ساياسات­تا­عى وزەكتى ماسەلەلەرگە تەڭگەرىمدى جانە ناقتىلى قادامدارى بۇۇ باس اسسامبلەياسىندا جاقسى بەل­گىلى ەكەنىن, ال ەلىمىزدىڭ پرە­زيدەنتى نۇرسۇلتان نازارباەۆتىڭ باستامالارى مەن ءىس-قيمىلى وسىناۋ حالىقارالىق ۇيىم تاراپىنان تۇسىنىستىك پەن قولداۋ تاۋىپ وتىرعانىن اتاپ ءوتتى. ء“بىز يادرولىق قارۋدان باس تارتۋ جونىندەگى قازاقستاننىڭ دانا جانە باتىل شەشىمىن جو­عارى باعالايمىز, 29 تامىزدى بۇۇ يادرولىق سىناقتارعا قارسى ءىس-قيمىلدىڭ حالىقارالىق كۇنى رەتىندە جاريالاي وتىرىپ, ونى تا­ريحي كۇن دەپ ەسەپتەيمىز”, دەدى پان گي مۋن. سونداي-اق ول ءساۋىردىڭ ورتاسىندا يادرولىق قاۋىپسىزدىك جونىندەگى جاھاندىق سامميتكە قازاقستان مەن اقش باسشىلارىنىڭ قاتىسۋى بۇكىل الەمدەگى يادرولىق قاۋىپتى ازايتۋ ىسىنە قوماقتى ۇلەس بولىپ قوسىلاتىنىن اتاپ كورسەتتى. باس حاتشى, سونىمەن قاتار, حالىق­ارا­لىق قۇقىقتىڭ نەگىزگى قاعي­دالارى مەن كەدەيشىلىكپەن كۇ­رەسكە, ەكونوميكالىق جانە ساياسي رەفورمالاردى ىلگەرىلەتۋگە, اي­ماقتىق ينتەگراتسيا مەن ىنتى­ماقتاستىقتى دامىتۋعا باعىتتال­عان قازاقستان باسشىسىنىڭ ماڭىزدى باستامالارىن زاڭنا­مالىق تۇرعىدا قامتاماسىز ەتۋ جونىندەگى قازاقستاندىق پارلا­مەنتشىلەردىڭ قىزمەتىن جوعارى باعالادى. جىلى شىرايلى كەزدەسۋ سوڭىندا قاسىم-جومارت توقاەۆ جەر جۇزىندەگى قاۋىپسىزدىكتى قامتاماسىز ەتۋ جونىندەگى پان گي مۋننىڭ قىزمەتىنە ريزا­شى­لىق ءبىلدىردى جانە بۇۇ باس اس­سامبلەياسىنىڭ وكىلدەرىن الداعى مامىردا وتەتىن ترانسازيالىق پارلامەنتتىك جيىنعا قاتىسۋعا شاقىردى. اسقار تۇراپباي ۇلى.