ايماقتار • 10 شىلدە، 2020

الماتىدا جاڭا تۋعان نارەستەلەرگە پتر ادىسىمەن تەستىلەۋ جۇرگىزىلەدى

9 رەت كورسەتىلدى

الماتى قالاسى قوعامدىق دەنساۋلىق باسقارماسى ەپيدەميولوگيالىق قاداعالاۋ ماقساتىندا جۇكتى ايەلدەر مەن جاڭا تۋعان نارەستەلەرگە پتر ادىسىمەن تەستىلەۋ جۇرگىزىلەتىنىن حابارلادى.

جۇكتى ايەلدەر مەن بوسانعان ايەلدەر شۇعىل كومەك كەرەك بولعان جاعدايدا، ولاردىڭ پتر تەست بار-جوعىنا قاراماستان اۋرۋحاناعا جاتقىزىلادى.
وسى ماقساتتا قالانىڭ پەرزەنتحانالارىندا ناۋقاستار وقشاۋلانعان جاعدايدا بولاتىن ۋاقىتشا بولىمشەلەر اشىلعان.
مەديتسينالىق كومەك ەپيدەمياعا قارسى رەجيمدى ساقتاي وتىرىپ، تولىق كولەمدە كورسەتىلەدى.
COVID-19 ينفەكتسياسىنىڭ تارالۋىن بولدىرماۋ ماقساتىندا پەرزەنتحانا قىزمەتكەرلەرىنىڭ ينفەكتسيالىق قاۋىپسىزدىگىن ساقتاۋ قامتاماسىز ەتىلگەن.
شۇعىل اۋرۋحاناعا تۇسكەن جاعدايدا پتر ادىسىمەن تەستىلەۋ جۇرگىزىلەدى، ەگەر ناتيجەسى تەرىس بولسا، پاتسيەنت جالپى بولىمگە اۋىستىرىلادى.

COVID-19 ينفەكتسياسىنا وڭ ناتيجە كورسەتكەن جاعدايدا، ناۋقاس جۇقپالى اۋرۋلار اۋرۋحاناسىنا نەمەسە مامانداندىرىلعان پەرزەنتحاناعا اۋىستىرىلادى.
ەگەر جاڭا بوسانعان ايەلدە پتر ادىسىمەن تەستىلەۋ ناتيجەسى وڭ بولسا، جاڭا تۋعان نارەستە دە تەكسەرۋدەن وتەدى.
وسى ۋاقىت ارالىعىندا پتر ادىسىمەن تەستىلەۋ ناتيجەسى شىققانعا دەيىن باسقا بالالارعا جۇقپاس ءۇشىن، نارەستە ۋاقىتشا وقشاۋلانادى. ەگەر نارەستەدە ناتيجە وڭ بولسا، ول اناسىمەن بىرگە ەمدەلەدى. ەگەر تەرىس بولعان جاعدايدا بالانى تۋىستارى الادى.
سونداي-اق، قوعامدىق دەنساۋلىق باسقارماسى تۇرعىنداردى COVID-19 ينفەكتسياسىن جۇقتىرۋدىڭ الدىن الۋ بويىنشا مامانداردىڭ كەڭەسىنە قۇلاق تۇرۋگە شاقىرادى.

سوڭعى جاڭالىقتار

شىمكەنتتە 5 شاعىناۋدانعا گاز جۇيەسى تارتىلۋدا

وڭتۇستىك قازاقستان • بۇگىن، 16:05

COVID-19: ابدىراعان ارگەنتينا

الەم • بۇگىن، 11:25

ۇقساس جاڭالىقتار