ايماقتار • 10 شىلدە، 2020

الماتىدا 3 كۇندە زاڭسىز ءدارى-دارمەك ساتۋ بويىنشا 11 فاكتىنىڭ جولى كەسىلدى

31 رەت كورسەتىلدى

بۇعان دەيىن الماتى پوليتسيا دەپارتامەنتىندە ءدارى-دارمەكتىڭ باعاسىن نەگىزسىز كوتەرىپ جىبەرۋدىڭ الدىن الۋ، ولاردىڭ زاڭسىز ساتىلۋىن بولدىرماۋ ماقساتىندا ارنايى ءموبيلدى توپتار قۇرىلعاندىعى تۋرالى حابارلانعان بولاتىن، - دەپ جازادى Egemen.kz

"3 كۇن ىشىندە ءدارى-دارمەكتەر مەن مەديتسينالىق ماقساتتاعى بۇيىمداردى زاڭسىز ساتۋ بويىنشا 11 فاكتىنىڭ جولى كەسىلدى. ءتىنتۋ كەزىندە 24000 ءدارى-دارمەك قۇرالدارى بار 1200 پاكەت، سونداي-اق، جالپى سوماسى 2،5 ميلليون تەڭگەنى قۇرايتىن COVID-19 انىقتايتىن 9000 ەكسپرەسس-تەست الىندى. تاركىلەنگەن زاتتاردىڭ اراسىندا قىتايلىق پاراتسەتامول دا بولدى. قازىرگى ۋاقىتتا بۇل پرەپاراتتى قازاقستانعا جەتكىزۋ ارناسى انىقتالۋدا. بارلىق وسى فاكتىلەر بويىنشا سوتقا دەيىنگى تەرگەۋ جۇرگىزىلۋدە"، - دەدى الماتى قالالىق پوليتسيا دەپارتامەنتىنىڭ باستىعى، پوليتسيا گەنەرال-مايورى قانات تايمەردەنوۆ.

بۇگىن كريمينالدىق پوليتسيا باسقارماسىنىڭ قىزمەتكەرلەرى الماتى قالاسى بويىنشا ەتد-مەن بىرلەسىپ وپا-دالاپ ساتاتىن دۇكەندە جەراستى ءدارىحاناسىن اشقان ەكى ازاماتتى ۇستادى. دۇكەندە قىزمەتتىڭ وسى تۇرىنە ليتسەنزياسى بولعان جوق. تەرگەۋ بارىسىندا اتالعان مەكەمەدە ءار ءتۇرلى 11 مىڭنان استام ءدارى-دارمەك جانە جالپى سوماسى 1 ميلليون 119 مىڭ 200 تەڭگەنى قۇرايتىن 100-دەن استام امپۋلا تاركىلەندى.

سوڭعى جاڭالىقتار

ۇقساس جاڭالىقتار