وقيعا • 09 شىلدە، 2020

ەڭبەكتەرى ەلەنگەن جاندار

22 رەت كورسەتىلدى

كەشە سولتۇستىك قازاقستان وبلىسىنىڭ اكىمى جامان ىندەتپەن كۇرەستە الدىڭعا شەپتە بولعان ءبىر توپ مەديتسينا قىزمەتكەرلەرىنە پرەزيدەنت قاسىم-جومارت توقاەۆتىڭ اتىنان مەملەكەتتىك ناگرادالار تاپسىردى، دەپ حابارلايدى Egemen.kz

ءوزىنىڭ سوزىندە قۇمار اقساقالوۆ "سىزدەردىڭ قاجىرلى ەڭبەك ەتىپ جاتقاندارىڭىزعا مىنە، ءتورت ايدان استى. بۇگىنگى كۇنى ءاربىر مەديتسينا قىزمەتكەرى – جانقيارلىقپەن ەڭبەك ەتۋدە. سىزدەر ءبىزدىڭ ءومىرىمىزدى ساقتاپ قالۋ جولىندا ەسەلى ەڭبەك ەتىپ جاتىرسىزدار. بارلىق ەل نازارى سىزدەردە. سىزدەردىڭ ەڭبەكتەرىڭىزدىڭ ارقاسىندا 545 ادام جامان ىندەتتەن ءتاۋىر بولدى. بۇل ناۋقاسقا ۇشىراعانداردىڭ ۇشتەن بىرىنەن ارتىعى.

وكىنىشكە قاراي 87 مەديتسينالىق قىزمەتكەر ىندەتتى وزدەرىنە جۇقتىرىپ الدى، ءبىز ولاردىڭ ءتاۋىر بولىپ كەتۋىنەن ءۇمىتتىمىز"، دەدى. ودان ءارى اكىم جەدەل جاردەمنىڭ قازىر تاۋلىگىنە 30 شاقىرۋعا باراتىنىن ايتتى. ال تاۋلىكتىك نورما 16 عانا بولاتىن. ۋچاسكەلىك مەديتسينالىق قىزمەتكەرلەر كۇنىنە 800-دەن ارتىق سيمپتومسىز ناۋقاستاردى باقىلايدى. سونىمەن بىرگە ول وسىعان دەيىن وكپەنى جاساندى جولمەن تازالايتىن 5 اپپارات (يۆل) الىنعانىن، ەندى تاعى دا سونداي 20 اپپارات الىناتىنىن جەتكىزدى. سونداي-اق بيىل تاعى دا 18 جەدەل جاردەم ماشيناسى الىناتىنى بەلگىلى بولدى. ءسوزىنىڭ سوڭىندا قۇمار ىرگەباي ۇلى مەديتسينا قىزمەتكەرلەرىن قۇتتىقتاپ: "ارقايسىڭىز ازاماتتاردىڭ ءومىرىن ساقتاپ قالۋ جولىندا بار كۇش-جىگەرلەرىڭىزدى جۇمساپ جاتقاندارىڭىز ءۇشىن قۇرمەت پەن العىسقا لايىقسىزدار. سىزدەرگە مىقتى دەنساۋلىق، ساتتىلىك، يگىلىك جانە ءتوزىم تىلەيمىن"، دەدى.

مەملەكەتتىك ناگرادالار تومەندەگى ازاماتتارعا بەرىلدى: "پاراسات" وردەنى كارانتين باستالعان العاشقى كۇننەن ينفەكتسيالىق بولىمگە اينالدىرىلعان ءبىرىنشى قالالىق اۋرۋحانانىڭ باس دارىگەرى بوتاگوز سۇلەيمەنوۆاعا، "قۇرمەت" وردەنى دارىگەرلەر ابىلايحان باياندينگە، الەكسەي لەۆتسوۆقا،  اعا مەديتسينالىق بيكە ناتاليا پوليتسيناعا بەرىلدى. "ەرەن ەڭبەگى ءۇشىن" مەدالى دارىگەرلەر ۆيتالي اۆرامەنكونىڭ، الفيا گايفۋللينانىڭ،  حيا ەردەنوۆانىڭ جانە تاتيانا كراسنوۆانىڭ توسىنە قادالدى. ال "شاپاعات" مەدالىمەن اعا مەدبيكە ساۋلە جاكينا، دارىگەرلەر باقىتگۇل ساپاروۆا، رۋسلان تولەنتاەۆ ناگرادتالدى. ال قازاقستان رەسپۋبليكاسىنىڭ قۇرمەت گراموتاسى مەدبيكە عاليا ابىلوۆاعا، فەلدشەر قۋانىش احمەتوۆكە، دارىگەر نينا كوستيۋچەنكوعا جانە "جەدەل جاردەم" جۇرگىزۋشىسى  الەكساندر سەليۋتينگە بەرىلدى.

 

سولتۇستىك قازاقستان وبلىسى

سوڭعى جاڭالىقتار

شىمكەنتتە 5 شاعىناۋدانعا گاز جۇيەسى تارتىلۋدا

وڭتۇستىك قازاقستان • بۇگىن، 16:05

COVID-19: ابدىراعان ارگەنتينا

الەم • بۇگىن، 11:25

ۇقساس جاڭالىقتار