ايماقتار • 09 شىلدە، 2020

الماتىدا 3096 شاقىرىم اۆتوموبيل جولدارى بار

10 رەت كورسەتىلدى

بۇگىن الماتى قالالىق موبيلدىلىك باسقارماسىنىڭ باسشىسىنىڭ ورىنباسارى ەرنۇر ابجاحان مەگاپوليستەگى جول ينفراقۇرىلىمىنىڭ دامۋىنا بايلانىستى باق وكىلدەرىمەن ZOOM جۇيەسى ارقىلى اقپاراتتارمەن ءبولىستى، دەپ حابارلايدى Egemen.kz

الماتى قالاسى بويىنشا اۆتوموبيل جولدارىنىڭ جالپى ۇزىندىعى 3096 شاقىرىمدى  قۇرايدى، ونىڭ ىشىندە 2019 جىلى اۆتوموبيل جولدارىنىڭ 75% دۇرىستالعان. الماتى قالاسى اكىمىنىڭ تاپسىرماسى بويىنشا بۇل كورسەتكىشتى 2020 جىلى 80% جەتكىزۋ جوسپارلانۋدا.

الماتى قالاسىن دامىتۋ جوسپارىنا سايكەس، 2019 جىلى رىسقۇلوۆ داڭعىلى مەن قۇلجا كۇرە جولىنىڭ قيىلىسىنداعى كولىك جولايرىعى قۇرىلىسى، سونىمەن قاتار ءسۇيىنباي داڭعىلىن ب.حمەلنيتسكي كوشەسىنەن شولوحوۆ كوشەسىنە دەيىن، شولوحوۆ كوشەسىنەن سولعا بۇرىلۋ جولىمەن، قايتا قۇرۋ نىساندارى بويىنشا جۇمىستار اياقتالدى جانە پايدالانۋعا بەرىلدى.     

14 شاعىناۋداندا، 469 كوشەدە ۇزىندىعى 120 شاقىرىم جاڭا جولداردىڭ قۇرىلىسى جۇرگىزىلدى. ونىڭ ىشىندە 294 كوشە بويىنشا 73 شاقىرىم جول قۇرىلىسى اياقتالدى.

2019 جىلى 147 كوشەدە، ۇزىندىعى 134،8 شاقىرىم، ورتاشا جوندەۋ جۇمىستارى جۇرگىزىلدى، بۇل كوشە-جول تورابى ۇزىندىعىنىڭ 5% قۇرايدى. 5 كولىك جولايرىعىنىڭ تىرەۋىش قابىرعالارىن جوندەۋ، ونىڭ ىشىندە اۋەزوۆ اۋدانىندا – 3، مەدەۋ اۋدانىندا – 2. بۇدان باسقا، 35 شاقىرىم تروتۋارلاردى سالۋ جانە جوندەۋ جۇمىستارى اياقتالدى.

2020 جىلى 3 كولىك جولايرىقتارىنىڭ قۇرىلىسى (رىسقۇلوۆ داڭعىلى - ەمتسوۆ كوشەسى، سەيفۋللين داڭعىلى – جانسۇگىروۆ كوشەسى، بۇقتىرما كوشەسى – قۇلجا كۇرە جولى)، اباي داڭعىلى مەن ساين كوشەسىن ۇزارتۋ جالعاسۋدا.

2019 جىلى باستالعان 120 شاقىرىم جاڭا جول قۇرىلىسىنىڭ 47 شاقىرىمىن اياقتاۋ، ۇزىندىعى 200 شاقىرىم بولاتىن 283 كوشەنى ورتاشا جوندەۋ جۇمىستارى، ۇزىندىعى 30 شاقىرىم تروتۋارلاردى سالۋ جانە جوندەۋ جۇمىستارى جوسپارلانعان. اعىمداعى جوندەۋمەن 300 000 م2 قالانىڭ كوشە-جول تورابىنىڭ اسفالتبەتون جامىلعىسىن جوندەۋ جوسپارلانعان.

سونداي-اق، جاياۋ جۇرگىنشىلەردىڭ قاۋىپسىزدىگىن قامتاماسىز ەتۋ ماقساتىندا ماگيسترالدى كوشەلەردىڭ بويىندا 5 جاياۋ جۇرگىنشىلەر وتكەلدەرىن سالۋ جۇمىستارى باستالدى.

سوڭعى جاڭالىقتار

قحل: ۆيزا بەرمەي جاتىر

حوككەي • بۇگىن، 15:18

COVID-19 ادامنان يتكە جۇققان

كوروناۆيرۋس • بۇگىن، 14:15

قيىن كەزەڭ ارتتا قالدى - مينيستر

قازاقستان • بۇگىن، 11:14

ۇقساس جاڭالىقتار