قازاقستان • 09 شىلدە، 2020

Nur Otan-نىڭ جۇمىسى مۇقتاجدارعا اتاۋلى كومەك كورسەتۋگە باعىتتالادى - ب.بايبەك

436 رەت كورسەتىلدى

بۇل تۋرالى بيلەۋشى پارتيا توراعاسىنىڭ ءبىرىنشى ورىنباسارى باۋىرجان بايبەك Facebook جەلىسىندەگى پاراقشاسىندا ايتتى، - دەپ حابارلايدى Egemen.kz

"قۇرمەتتى دوستار! وسىناۋ كۇردەلى كەزەڭدە ءوز جاقىندارى مەن تۋىستارىنان ايرىلعان بارشا جانعا قايعىلارىنا ورتاقتاسىپ، كوڭىل ايتامىن. وكىنىشكە قاراي، الەمنىڭ كوپتەگەن ەلدەرىمەن قاتار قازاقستان دا COVID-19 اۋرۋى جىلدام تارالىپ وتىرعان مەملەكەتتەر تىزىمىنە ەندى.

قالىپتاسقان احۋالدى ەسكەرىپ، كەشە مەملەكەت باسشىسى قاسىم-جومارت توقاەۆ كوروناۆيرۋسپەن كۇرەس شارالارىن كۇشەيتۋ تۋرالى مالىمدەدى. ولاردىڭ قاتارىندا لابوراتوريالاردى جەتە جاراقتاندىرۋ، توسەك-ورىندار مەن پتسر-تەستتەر سانىن ارتتىرۋ شارالارى قامتىلعان. وسى قيىن جاعدايدى پايدالانىپ، پايداعا كەنەلىپ قالعىسى كەلەتىندەرگە قاتىستى قاتاڭ شارالار قابىلدانادى. بۇل وسىنداي كۇردەلى كەزەڭ ىشىندە ەل اراسىندا ۇرەي تۋعىزىپ، الەۋمەتتىك الاۋىزدىقتى قوزدىرۋشىلارعا قاتىستى بولماق.

جالپى، ءدارى-دارمەك، وكپەنى جاساندى جەلدەتۋ اپپاراتىن ساتىپ الۋعا، مەديتسينا قىزمەتكەرلەرىن ىنتالاندىرۋعا جانە باسقا دا شۇعىل شارالارعا كەمىندە 150 ملرد. تەڭگە باعىتتالادى. ەندىگى ماسەلە – وسى شارالاردىڭ اتقارۋشى ورگاندار تاراپىنان ورتالىقتا جانە وڭىرلەردە ءتيىمدى ىسكە اسىرىلۋى.

ەل پرەزيدەنتى جاريالاعان شارالاردى قولداي وتىرىپ، ءبىز #BizBirgemiz رەسپۋبليكالىق اكتسياسى اياسىندا قارقىندى جۇمىس جۇرگىزۋدى جالعاستىرامىز.

ەلباسى، پارتيا ليدەرى نۇرسۇلتان نازارباەۆتىڭ تاپسىرماسىمەن وڭىرلىك فيليالداردىڭ جۇمىسى مۇقتاج ازاماتتارعا اتاۋلى كومەك كورسەتۋگە باعدارلاندى. قوعامدىق قابىلداۋلار ونلاين رەجيمدە قىزۋ جۇمىس جۇرگىزۋدە.

ەلباسىنىڭ باستاماسىمەن سوڭعى 3 ايدا 550 مىڭنان استام اسا مۇقتاج وتباسىعا، ياعني وتباسىلىق كوەفيتسيەنتىن ەسكەرگەندە 2 ميلليونداي ادامعا اتاۋلى قارجىلىق كومەك كورسەتىلدى. تاعى 300 مىڭداي وتباسى ازىق-ت ۇلىك سەبەتتەرىمەن جانە قاجەتتى تاۋارلارمەن قامتاماسىز ەتىلدى. سونداي-اق 100 مىڭ وتباسىعا 5 ميلليون ماسكا تاراتىلدى. وسىناۋ اۋقىمدى جۇمىسقا Jas Otan-نىڭ 5 مىڭنان استام ۆولونتەرى اتسالىستى.

مەملەكەت باسشىسى ۇندەۋىندە اتاپ كورسەتكەندەي، قازىرگى كەزدە قازاقستاندىقتاردىڭ حالقىمىزدىڭ باسىنا تۇسكەن سىناققا بارىنشا سابىرلىق، توزىمدىلىك پەن جاۋاپكەرشىلىك تانىتۋى ماڭىزدى. ەل پرەزيدەنتىنىڭ جانىنا توپتاسا وتىرىپ، بىرلىگىمىزدى كورسەتەتىن كەز، وسى. تەك جۇدىرىقتاي جۇمىلا وتىرىپ قانا بۇل قاتەردى ەڭسەرەمىز.

Nur Otan پارتياسى ءوزىنىڭ بۇكىل رەسۋرسىن مەملەكەت باسشىسىنىڭ تاپسىرمالارىنا قوعامدىق جانە پارتيالىق باقىلاۋدى قامتاماسىز ەتۋگە جۇمىلدىرادى"، دەپ جازدى باۋىرجان بايبەك.

سوڭعى جاڭالىقتار

قحل: ۆيزا بەرمەي جاتىر

حوككەي • بۇگىن، 15:18

COVID-19 ادامنان يتكە جۇققان

كوروناۆيرۋس • بۇگىن، 14:15

قيىن كەزەڭ ارتتا قالدى - مينيستر

قازاقستان • بۇگىن، 11:14

ۇقساس جاڭالىقتار