كوروناۆيرۋس • 09 شىلدە، 2020

دەنساۋلىق ساقتاۋ مينيسترلىگى 200 ميلليون تەڭگەنى بەلگىسىز ماقساتتا جۇمساعان

1322 رەت كورسەتىلدى

دەنساۋلىق ساقتاۋ مينيسترلىگى PR  جانە بەينەروليكتەر ءۇشىن 600 ميلليون تەڭگە بولگەن. بۇل تۋرالى رەسپۋبليكالىق ارنايى مونيتورينگ توبىنىڭ جەتەكشىسى ايگۇل سولوۆەۆا ونلاين بريفينگتە مالىمدەدى، - دەپ جازادى Egemen.kz.

دەنساۋلىق ساقتاۋ مينيسترلىگىنىڭ بۇرىنعى باسشىلىعى تۇسىندا بولعان بۇل جاعدايعا بايلانىستى سولوۆەۆا جەمقورلىققا قارسى قىزمەتتەگى بريفينگتە بىلاي دەپ جاۋاپ بەردى: 

"كەشە پرەزيدەنت كوروناۆيرۋسپەن كۇرەسكە 191 ميلليارد تەڭگە بولىنگەنىن ايتتى. بىراق وعان دەيىن بىزگە 400 ميلليون دوللارداي بولىنگەن بولاتىن. ءبىزدىڭ ساراپتامالىق توپ بۇل اقشانىڭ قالاي جۇمسالعانىن، قانداي ءىس-شارالارعا جۇمسالعانىن قاراستىرىپ جاتىر. مەندە بار اقپارات بويىنشا، پيار-كومپانيالارعا، روليكتەرگە 600 ميلليون تەڭگە ءبولىندى. ال شىن مانىندە ول اقشاعا ەلىمىزگە قاجەت ءبىراز رەرۋرس الۋعا بولار ەدى "

ونىڭ ايتۋىنشا، شامامەن 200 ميلليون بەلگىسىز ماقساتتا جۇمسالعان. اتالمىش توپ قازىر تالداۋ جۇرگىزىپ جاتىر.

سونداي-اق، مونيتورينگ توبىنىڭ جەتەكشىسى اقشانى بيۋدجەتكە قايتارۋ قيىن بولاتىنىن ايتىپ وتىر. "سەبەبى ول اقشا تەندەر ارقىلى بىرەۋگە بەرىلىپ قويدى عوي، ياعني تەندەر ۇتقان كومپانياعا"، - دەدى ول.

ەسكە سالايىق، جارناما جانە PR ءۇشىن عانا 600 ميلليون تەڭگە بولگەن اتالمىش مينيسترلىك كارانتين باستالعالى ءدارىحانالاردا ماسكا، انتيسەپتيك سياقتى ساقتانۋ قۇرالدارىنىڭ جەتكىزىلۋىن رەتتەي الماعان. ال ودان كەيىن بۇل جاعداي ءدارى-دارمەككە بايلانىستى ۋشىعىپ ەدى. اۋرۋحانالاردا ورىن جەتىسپەۋشىلىگى دە جاسىرىن ەمەس. ءالى دە ەلدەگى جاعداي وسى تۇرعىدا تولىق تۇراقتالا قويعان جوق. 

سوڭعى جاڭالىقتار

قحل: ۆيزا بەرمەي جاتىر

حوككەي • بۇگىن، 15:18

COVID-19 ادامنان يتكە جۇققان

كوروناۆيرۋس • بۇگىن، 14:15

قيىن كەزەڭ ارتتا قالدى - مينيستر

قازاقستان • بۇگىن، 11:14

ۇقساس جاڭالىقتار