قوعام • 09 شىلدە، 2020

بورىشكەرلەرگە شەتەلگە شىعۋعا تىيىم سالىناتىنى الدىن الا ەسكەرتىلەدى

20 رەت كورسەتىلدى

بۇرىن بورىشكەرلەر قويىلعان تىيىمدار تۋرالى تەك ۇشۋ كەزىندە عانا ءبىلىپ، ولاردى رەيستەردەن ءتۇسىرىپ الاتىن بولسا، ەندى ولاردى 5 جۇمىس كۇنى ىشىندە الدىن الا حاباردار ەتەتىن بولادى، دەپ حابارلايدى ادىلەت مينيسترلىگىنىڭ ءباسپاسوز قىزمەتى.

اعىمداعى جىلدىڭ 27 ماۋسىمىندا قازاقستان رەسپۋبليكاسىنىڭ پرەزيدەنتى "قازاقستان رەسپۋبليكاسىنىڭ كەيبىر زاڭنامالىق اكتىلەرىنە اتقارۋشىلىق ءىس جۇرگىزۋدى جانە قىلمىستىق زاڭنامانى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭعا قول قويدى.

اتالعان زاڭمەن اتقارۋشىلىق ءىس جۇرگىزۋ تۋرالى زاڭنىڭ نورماسىنا ەلدەن شىعۋعا تىيىم سالۋ بويىنشا جاڭا جەڭىلدەتىلگەن شەكتەۋ شارالارى ەنگىزىلدى.

زاڭ نورماسىمەن بەرەشەك شەگى ۇلعايتىلدى، ودان اسىپ كەتكەن كەزدە ەلدەن شىعۋعا ۋاقىتشا شەكتەۋ قولدانىلادى.

بۇگىنگى كۇنى شىعۋعا تىيىم سالۋ 20 ايلىق ەسەپتىك كورسەتكىشتەن ارتىق قارىز بولعان جاعدايدا قولدانىلسا،ەندى بۇل شەك 40 اەك-كە دەيىن كوتەرىلدى.

بۇدان باسقا، سوت ورىنداۋشىسىنىڭ ءوز قالاۋى بويىنشا ارەكەت ەتۋ وكىلەتتىگىن قىسقارتۋ ماقساتىندا ەلدەن شىعۋعا تىيىم سالۋ الدىندا بەس جۇمىس كۇنى بۇرىن بورىشكەرگە حابارلاۋ تۋرالى نورما ەنگىزىلدى.

ياعني، بۇرىن بورىشكەرلەر قويىلعان تىيىمدار تۋرالى تەك ۇشۋ كەزىندە ءبىلىپ، ولاردى رەيستەردەن ءتۇسىرىپ الاتىن بولسا، ەندى الدىن الا حاباردار ەتىلەتىن بولادى.

سونداي-اق ەلدەن شىعۋعا ۋاقىتشا شەكتەۋ قويۋ مەرزىمدەرى، ءتارتىبى مەن نەگىزدەرى، ونىڭ ىشىندە ونىڭ كۇشىن جويۋ مەرزىمدەرى مەن نەگىزدەرى قايتا قارالدى.

قازىر ۋاقىتشا شەكتەۋلەردى سوت ورىنداۋشىسى ءۇش جۇمىس كۇنى ىشىندە ەمەس، ءبىر كۇن ىشىندە كۇشىن جويادى.

زاڭ 2020 جىلعى 8 ماۋسىمدا كۇشىنە ەندى.

سوڭعى جاڭالىقتار

ۇقساس جاڭالىقتار