اۋەسقانوۆ زاڭسىز نەسيەلەندىرۋ ارقىلى بانكتىڭ قاراجاتىن جىمقىرۋدا قىلمىستىق قاۋىمداستىق قولدانعان "KBG Agro" جشس-ءنىڭ نومينالدى قۇرىلتايشىسى جانە ديرەكتورى بولعان.
سوت اۋەسقانوۆتىڭ ەرىكتى تۇردە كەلۋىن, كىناسىن تولىق مويىنداۋىن, تەرگەۋمەن بەلسەندى ىنتىماقتاستىعىن جانە ەلەۋسىز ءرول اتقارعانىن ەسكەرە وتىرىپ, وعان 6 جىلعا شارتتى تۇردە باس بوستاندىعىنان ايىرۋ جازاسىن تاعايىندادى.
نەگىزگى ايىپتالۋشىنىڭ تاپسىرماسى بويىنشا وتانعا ورالعان جاعدايدا قاماۋعا الۋ جانە ۇزاق مەرزىمگە تۇرمەگە وتىرعىزۋ جەلەۋىمەن اۋەسقانوۆقا, سونىمەن قوسا جاسىرىنىپ جۇرگەن وزگە تۇلعالارعا قاتىستى قورقىتۋ مەن قوقان-لوققى كورسەتۋ تۇرىندە كەدەرگىلەر ۇيىمداستىرۋىنا بايلانىستى, اۋەسقانوۆ ۇزاق ۋاقىت بويى جالعان قۇجاتتاردى قولدانىپ, كۇنكورىس قاراجاتىنسىز جانە جاقىن تۋىستارىنان الشاقتا شەتەلدە جاسىرىنىپ جۇرگەن.
سونىمەن قاتار, تەرگەۋدىڭ بارلىق كەزەڭىندە اۋەسقانوۆ ەشقايدا كەتپەۋ تۋرالى قولحات نەگىزىندە ءتيىستى مىنەز-ق ۇلىقپەن بوستاندىقتا ءجۇردى. جوعارىدا ايتىلعانداي, سوت وعان شارتتى تۇردەگى جازا تاعايىندادى.
اۋەسقانوۆ ىزدەۋدەن ءوز ەركىمەن ورالۋعا شەشىم قابىلداعان العاشقى ادام ەمەس ەكەنىن ەسكە سالامىز.
سوڭعى ۋاقىتتا ىزدەۋدە جۇرگەن 11 تۇلعا ورالدى. ولاردىڭ ىشىندە بتا توپ-مەنەدجەرلەرى, ءابليازوۆتىڭ ەڭ بەلسەندى سىبايلاستارىنىڭ ءبىرى – جاقسىلىق جارىمبەتوۆ, سادۋاقاس مامەش (نەسيە كوميتەتىنىڭ توراعالارى), قايرات سادىقوۆ (نەسيە دەپارتامەنتىنىڭ ديرەكتورى) جانە ارتۋر تروفيموۆ ء(ابليازوۆتىڭ باقىلاۋىنداعى "يپگ Eurasia", "ەۆرازيا سيتي" جانە "سلاۆينۆسەتبانك" كومپانيالارىنىڭ ديرەكتورلار كەڭەسىنىڭ توراعاسى) بار.
ولاردان الىنعان تۇسىنىكتەر, ءوز ەركىمەن بەرىلگەن مالىمەتتەر مەن قۇجاتتار بتا بانكىنىڭ عانا ەمەس, سونىمەن قوسا باسقا دا شەتەلدىك قارجى مەكەمەلەرىنىڭ قاراجاتىن جىمقىرۋ بويىنشا جاڭا قىلمىستاردى انىقتاۋعا كومەكتەستى.
سوت كىنالارىن تولىق مويىنداۋىن جانە كومەك كورسەتكەندەرىن ەسكەرە وتىرىپ, ولارعا دا شارتتى جازا تاعايىندادى.
ءىس بويىنشا تەرگەۋ كەزەڭىندە 800 ملرد تەڭگەدەن استام سوماعا زالال وتەلدى.
ءابليازوۆتى قوسقاندا, حالىقارالىق ىزدەۋدە جۇرگەن 16 كۇدىكتىگە قاتىستى سوتقا دەيىنگى تەرگەۋ جالعاسۋدا.
ولاردىڭ كەيبىرى 10 جىلدان استام ۋاقىت ىزدەۋدە ءجۇر. ونىڭ ىشىندە تاعى 3 كۇدىكتى قازاقستانعا ءوز ەركىمەن ورالۋدى جوسپارلاۋدا. ولاردىڭ ورالۋىنا كومەك كورسەتۋگە قاجەتتى بارلىق شارالار قابىلدانۋدا.
سونىمەن قوسا, ءىس بويىنشا حالىقارالىق تەرگەۋ تاپسىرمالارىن شىعارۋ ارقىلى 50-دەن استام ەلدىڭ قۇزىرەتتى ورگاندارىمەن تىعىز ءوزارا ارەكەتتەستىك جۇزەگە اسىرىلۋدا, ونىڭ ىشىندە 12 ەلدىڭ قۇقىق قورعاۋ ورگاندارى ءابليازوۆتىڭ قىلمىستىق قاۋىمداستىعىنا قارسى جەكە تەرگەۋلەرىن باستادى.
