"اتىراۋ قالاسىنىڭ ماڭىنداعى حيميكتەر پوسەلكەسىنىڭ تۇرعىنى ء ۇيىنىڭ اۋلاسىندا قۇرامىندا ەسىرتكى زاتتارى بار قاراسورانىڭ 4 ءتۇبى تابىلدى. پوليتسيا قىزمەتكەرلەرى ونىڭ اۋلاسىنان ەسىرتكى ءشوبىن تاركىلەدى. قازىر اتالعان دەرەككە قاتىستى قر قىلمىستىق كودەكسىنىڭ 300-بابىنىڭ 1-بولىگىمەن (قۇرامىندا ەسىرتكى زاتتار بار, وسىرۋگە تىيىم سالىنعان وسىمدىكتەردى زاڭسىز ەگىپ-ءوسىرۋ) سوتقا دەيىنگى تەرگەپ-تەكسەرۋ جۇرگىزىلۋدە" - دەپ حابارلادى دەپارتامەنتتىڭ ءباسپاسوز قىزمەتى.
ءوڭىر پوليتسەيلەرى اتالعان ءىس-شارا باستالعالى بەرى قر قىلمىستىق كودەكسىنىڭ 297 بابى (ەسىرتكى زاتتارىن ساتۋ), 296-بابىنىڭ 2 ءبولىمى (ەسىرتكى, پسيحوتروپتىق زاتتاردى سول تەكتەستەردى وتكىزۋ ماقساتىنسىز زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ) جانە 300-بابى (قۇرامىندا ەسىرتكى زاتتار بار, وسىرۋگە تىيىم سالىنعان وسىمدىكتەردى زاڭسىز ەگىپ-ءوسىرۋ) بويىنشا 10-نان استام دەرەكتى تىركەدى. قازىر تەرگەۋ امالدارى جۇرگىزىلىپ جاتىر.
