كارانتين سالدارىنان ەلدەگى مەيرامحانالار مەن اسحانالاردىڭ ۇشتەن ءبىرى جابىلىپ قالۋى مۇمكىن. بۇل تۋرالى قازاقستان رەستوراتورلار قاۋىمداستىعىنىڭ پرەزيدەنتى گۇلنار قاتىباەۆا مالىمدەدى.
ماماننىڭ ايتۋىنشا, كەيبىر مەكەمەلەردىڭ كارانتيندە جۇمىس ىستەۋگە رۇقساتى بولماسا دا, اشىق تۇر. قازىردىڭ وزىندە تاماقتانۋ جانە كوڭىل كوتەرۋ ورىندارىنىڭ 30 پايىزى زاڭسىز جۇمىس ىستەۋدە.
مەيرامحانالاردىڭ كارانتيندەگى تابىسى شىعىننىڭ جارتىسىن دا جاپپايدى. بۇرىن ولار تاۋار اينالىمىنىڭ 70 پايىزىن عانا كورسەتسە, قازىر بۇل دا بولماۋى مۇمكىن. ياعني اسحانالاردىڭ كوپشىلىگى نە جابىلادى نەمەسە كولەڭكەلى نارىققا كەتەدى.
