– 2020 جىلدىڭ 11 قاڭتارىنان 30 ماۋسىمىنا دەيىن قك-ءنىڭ 346-بابى 1-ءبولىمى "باسقارۋ قۇقىعىنان ايىرىلعان جانە الكوگولدىك, ەسىرتكىلىك جانە ماساڭ كۇيدەگى ادامنىڭ كولىك قۇرالىن جۇرگىزۋى" بويىنشا 145 ءىس تىركەلدى. قازىرگى ۋاقىتتا 118 ءىس اياقتالدى, ونىڭ 109-ى سوتقا جىبەرىلدى, قالعان ىستەر بويىنشا سوتقا دەيىنگى تەرگەۋ جۇرگىزىلۋدە, – دەدى بقو ءىىد انىقتاۋ باسقارماسى باسشىسىنىڭ مىندەتىن اتقارۋشى ەرلان جاقسىباەۆ.
ونىڭ ايتۋىنشا, سوتتا ءىستى قاراۋ ناتيجەلەرى بويىنشا وبلىس كولەمىندە 90 ۇكىم شىعارىلدى. ونىڭ ىشىندە 85 ايىپتالۋشى ءومىر بويى كولىك جۇرگىزۋ قۇقىعىنان ايىرۋمەن, ەكى جىلدان ءۇش جىلعا دەيىن باس بوستاندىعىنان شەكتەۋدىڭ ءارتۇرلى مەرزىمىن الدى. ال ءبىر ايىپتالۋشى ءومىر بويى قۇقىعىنان ايىرىلۋىمەن قاتار, قوعامدىق جۇمىستارعا 600 ساعاتقا سوتتالدى.
