- وبلىستىڭ كوپتەگەن ءدارىحانالارىندا بىرقاتار ءدارى-دارمەكتىڭ تاپشىلىعى تۋىندادى. قات دارىلەردىڭ قاتارىندا اتسەتيلساليتسيل قىشقىلى, ازيتراميتسين, زيتماك, زيتروكس, سۋممامەد, اسكوربين قىشقىلى, ليدوكوين, ترومبو اسس, كاگوتسەل, ازيترو جانە ت.ب. بار. دەگەنمەن, جاقىن كۇندەرى وڭىردەگى دارىحانالارعا ءتيىستى ءدارى-دارمەكتەر جەتكىلىكتى مولشەردە جەتكىزىلەتىن بولادى. وعان قوسا ءدارىحانالاردا قاجەتتى دارىلەردىڭ انالوگتارى بار, - دەيءدى الماتى وبلىسى اكىمىنىڭ ورىنباسارى باتىرجان بايجۇمانوۆ.
قازىر ايماقتا مەملەكەت باسشىسىنىڭ تاپسىرماسىنا سايكەس ءدارى-دارمەكتىڭ قول جەتىمدى بولۋى مەن باعاسىن وسىرۋگە جول بەرمەۋ ماقساتىندا وبلىستىق باس مەملەكەتتىك سانيتارلىق دارىگەرىنىڭ قاۋلىسىمەن مونيتورينگ توبى قۇرىلعان. سول سياقتى "نۇر وتان" پارتياسىنىڭ اۋداندىق, قالالىق فيليالدارى دا بۇل ماسەلەنى باقىلاۋدا ۇستايدى. دءارى-دارمەكتىڭ كوتەرمە جانە بولشەك ساۋداسى ماسەلەسى بويىنشا ءوزارا ىنتىماقتاستىق تۋرالى ءۇش جاقتى مەموراندۋمعا قول قويىلعان. بۇگىنگە دەيىن الماتى وبلىسىنداعى فارماتسەۆتيكالىق قىزمەتپەن اينالىساتىن 70 نىسانعا مونيتورينگ جاسالعان. الىپساتارلىققا جول بەرمەۋ ءۇشىن مەديكامەنتتەردىڭ ءبىر قولعا ساتىلاتىن كولەمى جونىندە كەڭىنەن ءتۇسىندىرۋ جۇمىستارى جۇرگىزىلۋدە.
