بيىل قاجىلىق 28 شىلدە مەن 2 تامىز ارالىعىندا بەلگىلەنگەن.
"قاعبانى ۇستاۋعا جانە ونى سۇيۋگە تىيىم سالىنادى", – دەلىنگەن قاجىلىق جانە ۋمرا ىستەرى مينيسترلىگىنىڭ حابارلاماسىندا. سونداي-اق بيلىك وكىلدەرى تاسقا جاقىنداماۋدىڭ الدىن الۋ ءۇشىن ارنايى كەدەرگىلەر ورناتاتىنىن مالىمدەدى.
جەرگىلىكتى باسىلىم اش-شارك ءال-اۋسات: ء"اربىر جورالعىعا قاتىسۋ بارىسىندا تەك 50 ادامنان شوعىرلانا الادى. ارقايسىسىنا جەكە قولعاپ پەن بەتپەردە كيۋمەن قاتار, اراقاشىقتىق 1,5 مەتر اسپاۋى مىندەتتەلدى", دەيدى.
ارارات توبەسىندەگى شاتىرلار اراسىنداعى قاشىقتىق تا 1,5 مەتردەن كەم بولماۋى ءتيىس. مەككەدە ورنالاسقان قاسيەتتى ءزامزام بۇلاعىنىڭ كوزىندەگى سۋدى دا تەك ءبىر رەتتىك ىدىستا عانا بەرەدى.
الدىڭعى اقپاراتتاردا ساۋد ارابيا بيلىگى وسى جىلعى قاجىلىقتىڭ شەتەلدەن كەلەتىن قاجىلاردىڭ قاتىسۋىنسىز وتەتىنىن جاريالاعان ەدى. جىل سايىن كەمىندە ەكى ميلليون قاتىسا الاتىن قاجىلاردىڭ سانى بيىل ون مىڭعا دەيىن ازايدى.
