مەملەكەت باسشىسى ن.ءا.نازارباەۆتىڭ قۇربان ايت مەيرامىنا وراي قازاقستان حالقىنا ارناعان قۇتتىقتاۋى
قىمباتتى وتانداستار!
بارشاڭىزدى ايتۋلى مەرەكە – قۇربان ايت مەيرامىمەن شىن جۇرەكتەن قۇتتىقتايمىن!
بۇل مەيرام – ۇلت پەن ۇلىستى ۇيىستىراتىن رۋحاني ۇلى قۇندىلىقتاردىڭ ءبىرى. وسى قاسيەتتى كۇندەرى كوپشىلىك جۇرت قۇرباندىق شالىپ, ءبىر-بىرىنە تەك جاقسىلىق تىلەيدى. بەرەكە مەن بىرلىكتى, قايىرىم مەن قاناعاتتى ارتتىراتىن قۇتتى مەيرام – قۇربان ايت ادامداردىڭ ەتەنە ارالاسۋىنا, ۇلتتار مەن دىندەردىڭ ءوزارا ىنتىماقتاستىعىنا جول اشادى.
مەملەكەت باسشىسى ن.ءا.نازارباەۆتىڭ قۇربان ايت مەيرامىنا وراي قازاقستان حالقىنا ارناعان قۇتتىقتاۋى
قىمباتتى وتانداستار!
بارشاڭىزدى ايتۋلى مەرەكە – قۇربان ايت مەيرامىمەن شىن جۇرەكتەن قۇتتىقتايمىن!
بۇل مەيرام – ۇلت پەن ۇلىستى ۇيىستىراتىن رۋحاني ۇلى قۇندىلىقتاردىڭ ءبىرى. وسى قاسيەتتى كۇندەرى كوپشىلىك جۇرت قۇرباندىق شالىپ, ءبىر-بىرىنە تەك جاقسىلىق تىلەيدى. بەرەكە مەن بىرلىكتى, قايىرىم مەن قاناعاتتى ارتتىراتىن قۇتتى مەيرام – قۇربان ايت ادامداردىڭ ەتەنە ارالاسۋىنا, ۇلتتار مەن دىندەردىڭ ءوزارا ىنتىماقتاستىعىنا جول اشادى.
ول جەتىم-جەسىردى جەبەۋ, مۇقتاجعا قولۇشىن بەرۋ سياقتى گۋمانيستىك داستۇرلەردى نىعايتۋعا قوماقتى ۇلەس قوسادى. اتا-بابالارىمىز وسى اسىل ۇردىستەردى عاسىرلار بويى ۇرپاقتان-ۇرپاققا جالعاستىرىپ كەلەدى.
ەلىمىز ازاتتىق العالى بەرى اتا ءدىنىمىز ناعىز وركەندەۋدىڭ جولىنا ءتۇستى. ءدىن ءوز رۋحانيلىق نەگىزدەرىن نىعايتاتىن, وزگەگە ونەگە بولاتىن ىزگى نيەت پەن يگى ارەكەتتەن كورىنىس تابادى. ءدىننىڭ باستى مۇراتى – قوعامنىڭ بيىك رۋحاني مادەنيەتىن قالىپتاستىرۋ.
قازاقستان حالقىنىڭ باسىم بولىگىن قۇرايتىن مۇسىلمان جاماعاتى مەملەكەتىمىزدەگى بىرلىك پەن ىنتىماقتىڭ بەكەم بولا تۇسۋىنە ايتارلىقتاي ۇلەسىن قوسۋدا. ەلىمىزدەگى ءتۇرلى ءدىن وكىلدەرىنىڭ ءوزارا تاتۋلىعى الەمگە ۇلگى كورسەتىپ وتىرعانى قۋانتادى.
حالقىمىز ءوز رۋحاني بولمىسىن ساقتاپ, ەرىك-جىگەرىن ارتتىرا وتىرىپ, ودان ءارى وركەندەۋ جولىنا قادام باسا بەرەدى دەپ كامىل سەنەمىن. اللا تاعالا بارلىق دۇعا-تىلەكتەرىڭىزدى قابىل ەتسىن!
قۇربان ايت مۇباراك بولسىن!
بارشا قازاقستاندىقتارعا بەرەكە-بىرلىك, بەيبىت ءومىر, ءار شاڭىراققا يگىلىك پەن اماندىق تىلەيمىن!
