كەڭەس زامانىندا بار حالىقتىڭ كورەتىنى بىردەي, بىرنەشە عانا تەلەارنا بولسا, قازىر قۇدايعا شۇكىر, ءپۋلتىڭىزدى قولعا الىپ اۋىستىرا بەرسەڭىز توقتاۋ جوق. سپۋتنيكتىك, شەتەلدىك ارنالاردان وزگە وتاندىقتىقتاردىڭ ءوزىنىڭ قاراسى مولايدى. سوڭعى ۋاقىتتا تەلەارنالار كورەرمەن سۇرانىسىن وتەۋگە بەت بۇرعانداي مادەنيەت, ءبىلىم, سپورت پەن بالالارعا ارنالعان ارنالارىن دا اشىپ, ولاردا 100 پايىز وزدەرى دايىنداماعانمەن باسقالاردىڭ جاقسى دەگەن باعدارلامالارىن اۋدارىپ بەرەتىن ءۇردىس قالىپتاسىپ قالدى. وسىلايشا تەلەارنالار كوپشىلىك كوڭىلىنەن شىعۋعا ۇمتىلىس تانىتۋدا.
كەڭەس زامانىندا بار حالىقتىڭ كورەتىنى بىردەي, بىرنەشە عانا تەلەارنا بولسا, قازىر قۇدايعا شۇكىر, ءپۋلتىڭىزدى قولعا الىپ اۋىستىرا بەرسەڭىز توقتاۋ جوق. سپۋتنيكتىك, شەتەلدىك ارنالاردان وزگە وتاندىقتىقتاردىڭ ءوزىنىڭ قاراسى مولايدى. سوڭعى ۋاقىتتا تەلەارنالار كورەرمەن سۇرانىسىن وتەۋگە بەت بۇرعانداي مادەنيەت, ءبىلىم, سپورت پەن بالالارعا ارنالعان ارنالارىن دا اشىپ, ولاردا 100 پايىز وزدەرى دايىنداماعانمەن باسقالاردىڭ جاقسى دەگەن باعدارلامالارىن اۋدارىپ بەرەتىن ءۇردىس قالىپتاسىپ قالدى. وسىلايشا تەلەارنالار كوپشىلىك كوڭىلىنەن شىعۋعا ۇمتىلىس تانىتۋدا.
الايدا, كوركەم فيلمدەر, سەريالدارعا كەلسەك, جاعداي ءماز ەمەس. كورەرمەنىن الدىنا بايلاعان «جاشىكتەن» نە كورىپ ءجۇرمىز؟ ءار ارنادان 4-5-تەن بەرىلەتىن قاپتاعان تۇرىك, كورەي, قىتاي سەريالدارىنىڭ كوركەمدىك دارەجەلەرى, تاراتاتىن يدەيالارى, بەرەتىن ۇلگىلەرى قانداي دەگەن ساۋالدارعا جاۋاپ ىزدەسەڭىز, تىعىرىققا تىرەلەسىز. ايتەۋىر, كوڭىل جۇباتارلىعى, وسى ورتەڭگە شىققان شوپتەي قاۋلاعان سەريالداردى قازاقشاعا تارجىمالاعاندا ەڭ بولماسا دۋبلياج سالاسىنداعى مامانداردىڭ قاتارى وسەر دەگەن وي كەلەتىنى داتكە قۋات. ايتپەسە, ارنالار قىرۋار قاراجات شىعارىپ, وسى سەريالداردى ساتىپ الىپ جاتقاندا نە ويلادى ەكەن, وتاندىق تەلەارنالار قانشا جەكەنىڭ مەنشىگى بولسا دا, كوپشىلىككە رۋحاني ازىق بولاتىن دۇنيەلەردى ەكراننان حالىققا ۇسىناردا مەملەكەتتىك, ەلدىك تۇرعىدان نەگە كەلمەسكە دەپ ناليسىڭ. الدە مۇنىمەن مينيسترلىكتىڭ اينالىسقانى ءجون بە ەكەن, نەمەسە بارلىق ارنالارعا جىبەرىلەتىن سەريالداردى ساراپتان وتكىزەتىن كوركەمدىك كەڭەس قاجەت پە ەكەن دەگەن سان ءتۇرلى وي مازالايدى.
«كتك» ارناسىندا تۇرىكتىڭ «قايران ءومىر» اتتى سەريالىنىڭ الدىمەن ءبىرىنشى ماۋسىمى, ودان قازىر جالعاسى باستالىپ, ۇلكەن-كىشى ەكرانعا ءۇڭىلىپ, اقىرىندا قازاقتار باستى كەيىپكەر ايلين ەسىمىمەن جاڭا تۋعان سابيلەرىن دە اتاي باستادى. ال سول ايلين قىزعا اعايىندى ەكى جىگىت بىردەي عاشىق بولادى, كىشىسى – مۇرات مۇگەدەك تە, ۇلكەنى – سونەر مول بايلىقتىڭ يەسى, جاسى كەلسە دە ۇيلەنبەگەن سۇربويداق. ايلين سونەردى جاقسى كورگەنىنە قاراماستان, ايتەۋىر, ءبىر شاڭىراقتىڭ استىندا كۇندەلىكتى سۇيگەنىن كورىپ ءجۇرۋ ءۇشىن مۇگەدەك ىنىسىنە تۇرمىسقا شىعادى. ارتىنان جارىنىڭ اعاسىن جاقسى كورەتىنىن بىلگەن مۇرات وزىنە قول سالادى. ءىنىسىنىڭ بەتى جابىلعان سوڭ سونەر ايلينگە ۇيلەنەدى. ايلين ماڭايىنداعى شىرعالاڭ ءبىر بۇل ەمەس. ايلين مەن ونىڭ نەمەرە ءسىڭلىسى اراسىندا دا سونەر ءۇشىن تايتالاس جۇرەدى. تۋىستىق, جاقىندىق, باۋىرمالدىق قاتىناستار بىرت-بىرت ءۇزىلىپ, قازاقى تۇرعىدان العاندا «مال قۇلاعى ساڭىراۋ» ەشكىم ەستىمەسىن, جاماندىق جۇققىش بولادى», دەپ جيرەنىپ وتىراتىن ۇلگىسىزدىكتىڭ بارلىعى وسى سەريالدان تابىلادى. بۇرىنعىسى ازداي جاقىندا «كتك» وسى سەريالدىڭ جالعاسىن كورسەتۋدى تاعى باستادى.
نەمەسە جاقىندا عانا كورەرمەننىڭ «كوزايىمى» بولعان «استانا» ارناسىنان كورسەتىلگەن تاعى ءبىر تۇرىكتىڭ «گۇللى حانىم» سەريالىن الايىقشى. بىرىڭعاي ادامگەرشىلىكتەن اتتاۋ, دۇنيە جولىندا قيىپ جىبەرىپ كىسى ءولتىرۋ, قايىن ءسىڭلىسىنىڭ كۇيەۋىنە جەڭگەسىنىڭ تۇرمىسقا شىعۋى, بالا ۇرلاۋ, ۇيگە ءورت قويۋ, زينا جاساۋ دەيسىز بە, كورىپ وتىرىپ يمانىڭ قاسىم بولاتىن كىساپىرلىككە, تەكسىزدىككە, قاسيەتسىزدىككە, قاتىگەزدىككە كۋا بولاسىز. سوندا وسىنداي فيلمدەردى كوپشىلىككە شىمىرىكپەستەن ۇسىناتىن ارنالاردىڭ ويلاعاندارى نە؟! مۇنىڭ جانىندا ويىن بالاسىن ۇيلەندىرىپ, بەسىكتەن بەلى شىقپاعان كىشكەنتاي قىزدى ۇزاتاتىن «قازاقستان» ارناسىنان بەرىلىپ جاتقان ۇندىلىك «كەلىن» سەريالىن بەيكۇنا دەرسىز. قىزىقتاپ قاراپ وتىرعان ۇلكەندەر: «ە-ە, وزدەرىنىڭ سالت-داسۇرلەرى سونداي شىعار, بىراق, ونىسى نەسى, كىپ-كىشكەنتاي قىزدى «كەلىن» دەپ»,– دەپ ەرسى كورىپ, ايتەۋىر «ءار ەلدىڭ سالتى باسقا...» شۇكىرشىلىك, وزگە ەل عوي دەپ وتىرارى حاق.
بۇعان ارينە, تەلەارنالار تاراپىنان: «وتاندىق تەلەسەريالدار قاۋلاپ تۇرىپ, ولاردى كورسەتپەستەن شەتەلدىكتەردى ساتىپ الىپ جاتىر ما ەكەنبىز. «جوقتان بار جاساپ» كورەرمەنگە ونى تىپتەن انا تىلىندە ۇسىنىپ وتىرعانىمىزعا راحمەت ايتپاي ما؟», دەپ قارسى ءۋاج ايتىلاتىنىن دا بىلەمىز. بىراق, كىتاپتان گورى كومپيۋتەر مەن تەلەديدارعا ۇڭىلەتىن زاماندا, اتا-انا جۇمىسباستىلىقپەن ۇيدەگى بالاعا قاراي المايتىن كەزەڭدە, عالامداسقان الەمدە, شەكارالاردىڭ ءوزى شارتتىلىققا اينالىپ بارا جاتقاندا جاس بۋىندى جاماندىقتان قورعاۋ قالاي جۇرگىزىلۋى ءتيىس؟ تۇپتەپ كەلگەندە, ۇرپاق جانىنىڭ ساۋلىعى مەملەكەتتىك ءىس, ۇلتتىڭ ەرتەڭگى قاۋىپسىزدىگى ەمەس پە.
كورەرمەندەردىڭ كۇندەلىكتى سەرىگىنە اينالىپ بارا جاتقان, ورىس پا, تۇرىك پە, كورەي مە, ايتەۋىر قازاق ەمەس وسى تەلەحيكاياتتار تۋراسىندا ينتەرنەت الەمى نە دەيدى ەكەن دەگەن ويمەن ىلمەكتەۋ ارقىلى ءبىراز سايتتاردى شارلادىق. قاز-قالپىندا سول پىكىرلەردى كەلتىرە كەتەيىك. القيسا:
antijrca, 22 اقپان 2010 14:12 بىلاي دەپتى: اقزەرەگە: پروكاتقا «قۇدايى» قىلىپ اكەلىپ جاتقان جوق سول سەريالداردى. سىرتقا كەتىپ جاتقان سومانىڭ نەشە ءنولى بار ەكەنىن ءبىر اللا بىلەدى. بىزدە جاقسى اكتەرلەر بار, جەتپەي جاتسا كاستينگ وتكىزۋ كەرەك. تۇسىرەمىن دەسە ومىردە تاقىرىپ تا تولىپ جاتىر. قالتالى كوسموليتتەر مەملەكەت ءۇشىن قايىرلى ءبىر ءىس جاساۋعا ق ۇلىقسىز, مەملەكەت ۇلتتىق ناقىشتاعى تۋىندىلارعا قارجى بولدىرمەيدى, سامارقاۋ قارايدى. شەتەلدەن كەلىپ جاتقان سەريالدار ءبىزدى قاراڭعىلىقتان «سۇيرەپ» الىپ شىعادى دەگەنىڭ ءبىر ءتۇرلى ويعا قونىمسىز. وزىمىزگە ءوزىمىزدىڭ جانىمىز اشىماسا, شەتەلدەگىلەردىڭ ءبىزدىڭ قامدى ويلاۋى مۇمكىن ەمەس قوي. اققۋ, شورتان ءھام شايان.
akzere, 22 اقپان 2010 14:17 بىلاي دەپتى. ءبىز عانا ەمەس, بۇكىل الەم باتىستىڭ كينوسى, مۋزىكاسىمەن تىنىستايدى, ءتىپتى كورەيالىقتار دا. جوق نارسەنى جوق, بار نارسەنى بار دەۋ كەرەك قوي. سەريال ءتۇسىرسىن, تەك استانا قانداي كەرەمەت, ءبارىڭ كوشىڭدەر دەگەن سارىندا ەمەس, ءجاي عانا ءومىر جايلى, جاقسى اكتەرلىك شەبەرلىكپەن تۇسىرىلگەن سەريالداردى كورۋدەن ەش قاشپايمىز!
tarazkyzy, 22 اقپان 2010 16:03 بىلاي دەپتى. ءوز باسىم كورەي سەريالدارىن جاقسى كورەم. تۇرىك سەريالدارىنداعى اتىس-شابىس, ورىس سەريالدارىنداعى ايقاي-شۋ, برازيليا سەريالدارىنداعى ازعىندىق جوق كورەي سەريالدارىندا. توزىمدىلىك پەن سابىرلىلىق دەگەندى بىلەتىن, سەزىمدى ءۇنسىز ۇقتىرا الاتىن حالىق. مازاسىز تىرشىلىكتەن شارشاعاندا ءمولدىر الەمگە كىرىپ كەتەسىڭ. باسقالارىن قايدام, ءوزىم دەمالام…
antijrca, 22 اقپان 2010 16:28 بىلاي دەپتى: اقزەرەگە: ساعان نە ءۇشىن ساپالى كينولار تۇسىرىلمەي جاتقانىن ايتىپ كەتتىم عوي. پاتريوتتىق سانا تومەن, ونەردىڭ قۇنى تومەن, شىن دارىندى ادامداردى باعالامايدى. بۇكىل الەم باتىستىڭ كينوسى, مۋزىكاسىمەن تىنىستايدى دەپسىڭ, مۇنىڭا قوسىلمايمىن. ماسەلەن, مىنا وزبەك كورشىلەرىمىزدە بار-جوعى 14 تەلەارنا بار, تاڭنىڭ اتىسى, كەشتىڭ باتىسى تاۋلىگىنە جيىرما ءتورت ساعات وزبەكشە سايرايدى, وزبەك كينولارىن كورسەتەدى, وزبەكشە بەينەباياندارىن اينالدىرادى, سالت-داستۇرلەرىن «مىنە-مىنە» بىزدە مىنادايلار بار دەپ كورسەتۋدەن جالىقپايدى. قىتايدى الساق, شەتەلدىك كورسەتىلىمدەردىڭ 1/3 قىسقارتتى, الداعى ۋاقىتتا قىسقارتا تۇسەتىنىنە كۇمانىم جوق. باسقاسىن قويىپ, وسى ەكى كورشىمىزدىڭ ىستەرىنەن ونەگە الاتىن ۋاقىتىمىز جەتتى عوي. ەۋروپانىڭ ارزان «قۇندىلىعى» بۇگىن بار, ەرتەڭ جوق. كەزىندە گيتلەردەن الەمدى قالاي جاۋلاپ الماقشى ەكەنىن سۇراعاندا: «تاۋلىگىنە 24 ساعات ءتۇرلى داڭعىرلاقتى تىڭداۋ ارقىلى وزدەرى-اق وپ-وڭاي بەرىلەدى, رۋحتارى سىنادى, سانالارى ۇساقتالادى, كىتاپ وقۋدان قالادى», دەپتى. سولاي!!!
ءيا, قالاي ايتقاندا دا, بۇل ۇزىن سونار تەلەسەريالداردى بىزگە شۇلەن تاراتقانداي تەگىننەن- تەگىن بەرىپ جاتقان جوق. قىرۋار اقشانىڭ شەتكە كەتكەنى بىلاي تۇرسىن, سول ەلدىڭ ەكسپانتسياسى ۇستەمدىگىن جۇرگىزىپ, وي الەمىن بيلەپ, رۋحاني دىڭگەككە تيگىزەر اسەرىن قايدا قويار ەكەنبىز.
بالا كەزىمىزدە اۋىلعا تەلەديدار كەلمەگەن تۇستا الماتىداعى اكەم تەاتر مەن بالالار مەن جاسوسپىرىمدەر تەاترىنىڭ قويىلىمدارىن راديو ارقىلى تىڭداپ, كەيىن الماتىعا كەلگەندە بۇرىن داۋىسىن ەستىگەن زامزاگۇل, شولپان, حاديشا, ءسابيرا, فاريدا اپايلاردى, سەركە, ەلۋباي, قاپان, ءانۋار, ءسابيت, التىنبەك سىندى ارتىستەردى كورۋگە ىنتىعىپ, تەاتر تابالدىرىعىن جۇرەگىمىز دۇرسىلدەپ تۇرىپ اتتايتىنبىز. جارايدى, ءبىزدىڭ قازىرگى ۋاقىتتا تەلەسەريالدار مەن وتاندىق كورەرمەندەرگە قاجەت وزگە دە ءدۇنيالاردى پەشتەن جاڭا شىققان ىپ-ىستىق توقاش كۇيىندە تاراتۋعا شامامىز كەلمەسە, ەل تەاترلارىندا قويىلىپ جاتقان ۇزدىك تۋىندىلاردى ەكران ارقىلى حالىقتىڭ كوزايىمىنا اينالدىرۋعا بولماي ما؟ بۇل ءبىر جاعىنان تەاترلارعا دا كومەك قوي. ەگەر كەزىندە جوعارىدا اتتارى اتالعانى بار, اتالماعانى بار ارتىستەرىمىزدىڭ قاتىسۋىمەن وتكەن نەبىر دراما, كومەديا, تراگەديالاردى بەينەتاسپالارعا ءتۇسىرىپ الساق, قازىر قانشالىقتى ۇتقان بولار ەدىك. امال نە, ول كەزىندە دە, قازىر دە قولعا الىنباي كەلە جاتقان ولقىلىق. ەسەسىنە, اراق كۋلتى ناسيحاتتالاتىن, الداۋ, ارباۋدى ۇيرەتەتىن شەتەل سەريالدارىن ءوزىمىز دە, بالالارىمىز دا كورىپ كۇن ارتىنان كۇن, اي ارتىنان اي جىلجىپ ءوتىپ بارادى...
انار تولەۋحانقىزى,
«ەگەمەن قازاقستان».
