اتىراۋ وبلىسى بويىنشا ەكونوميكالىق تەرگەۋ دەپارتامەنتى پوليتسيا جانە وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتتەرىمەن بىرگە وتكىزگەن رەيدتىك ءىس-شارا كەزىندە تاپشى ءدارى-دارمەكتەردى بىرنەشە ەسەگە قىمبات باعامەن ساتىلعانى انىقتالىپ وتىر.
دەپارتامەنتتىڭ مالىمەتىنە سۇيەنسەك, قالاداعى جەكە كوسمەتولوگيالىق كلينيكادا بىرنەشە ءدارى-دارمەك ليتسەنزيالىق قۇجاتسىز ءارى زاڭسىز ساتىلىپ كەلگەن. ونىڭ ىشىندە كوروناۆيرۋس ينفەكتسياسىن جۇقتىرعان ناۋقاستاردىڭ تۋىستارى تابا الماي جۇرگەن ازيتروميتسين مەن ينگاۆيرين سەكىلدى قات ءدارى-دارمەكتەر بولعان. كلينيكادان 636 قاپتاما پاراتسەتومول, 1519 دانا تسەفترياكسون, 1000 قاپتاما اتسەتيلەن قىشقىلى, 233 امپۋلا ليدوكاين, 12 قاپتاما تسيترامون, 3 قاپتاما ازيتروميتسين, 117 امپۋلا دەكسامەتازون جانە وزگە دە ءدارى-دارمەكتىڭ 5 مىڭنان استام داناسى تابىلدى.
قازىر اتالعان فاكتى بويىنشا قر قىلمىستىق كودەكسىنىڭ 214-بابىمەن (زاڭسىز كاسىپكەرلىك) سوتقا دەيىنگى تەرگەۋ باستالدى.
