دارىگەردىڭ ايتۋىنشا, ناۋقاس قاتتى اۋىرىپ جاتقاندا تىنىس الۋ جاتتىعۋىن جاساۋعا بولمايدى جانە مىندەتتى تۇردە دارىگەرگە جۇگىنگەن ءجون.
"تىنىس الۋ گيمناستيكاسى قالپىنا كەلتىرۋ مەن مەديتسينالىق وڭالتۋ كەزىندە پايدالى, ول حاتتامادا بار. بىراق, پاتسيەنتتىڭ جاعدايى اۋىر بولسا, تىنىس الۋ گيمناستيكاسىن جاساۋعا بولمايدى, مۇنداي جاتتىعۋ ادام دەنساۋلىعىن قيىنداتىپ جىبەرۋى مۇمكىن. ناۋقاس ستاتسيوناردان ەمدەلىپ شىققاننان كەيىن, رەابيليتولوگتىڭ ۇسىنىسىمەن عانا جاتتىعۋ جاساۋى قاجەت", - دەدى نۇريلا مالتاباروۆا.
سونداي-اق, ماماندار يممۋنيتەت كوتەرەتىن دارۋمەندەردى دە بايىپپەن ىشۋگە كەڭەس بەرەدى.
"دارۋمەندەرگە باي دۇرىس تاماقتانۋ كەرەك, سترەسستىڭ الدىن الىپ, سپورتپەن شۇعىلدانىڭىز جانە بارىنشا ءپوزيتيۆتى كوڭىل-كۇيدى جۇرۋگە تىرىسىڭىز. دارۋمەنى كوپ تاڭقۋراي, قاراقات سىندى جەمىس-جيدەكتى تۇتىنىڭىز. ال D جانە C دارۋمەنىن كوزسىز كوپ ىشۋگە بولمايدى. ماسەلەن, بۇل دارۋمەندەر بالاعا سالماعىنا قاراي تاعايىندالادى”, - دەيدى استانا مەديتسينا ۋنيۆەرسيتەتى بالالار ينفەكتسيالىق اۋرۋلارى كافەدراسىنىڭ مەڭگەرۋشىسى, دارىگەر-ينفەكتسيونيست بايان تۇردالينا.
دارىگەر-ينفەكتسيونيستىڭ پىكىرىنشە, يممۋنيتەتتى كوتەرۋ ءۇشىن, اسىرەسە, كۇندىزگى جانە تۇنگى ۇيقىنىڭ دۇرىس بولعانى ءجون.
