قالادا كوروناۆيرۋسپەن كۇرەس بويىنشا جۇيەلى جۇمىس جۇرگىزىلۋدە. باقىتجان ساعىنتاەۆ ماڭىزدى باعىتتاردىڭ ءبىرى كوروناۆيرۋستى دەر كەزىندە دياگنوستيكالاۋ ەكەنىن اتاپ ءوتتى.
وسىعان بايلانىستى زەرتحانالاردىڭ وتكىزۋ قابىلەتىن ارتتىرۋ بويىنشا جۇمىستار جۇرگىزىلۋدە. جالپى العاندا, الماتىدا كوروناۆيرۋستىق ينفەكتسياعا تەستىلەۋدى ەنگىزۋدىڭ بارلىق كەزەڭىندە 245 مىڭنان استام زەرتتەۋلەر جۇرگىزىلدى. مەگاپوليستە 8 زەرتحانا جۇمىس ىستەيدى, ناتيجەسىندە كۇنىنە شامامەن 4000 زەرتتەۋ جۇرگىزىلەدى. بۇگىنگى تاڭدا زەرتحانالاردىڭ مالىمەتتەرى بويىنشا 56 مىڭ زەرتتەۋگە ارنالعان سىناق جيىنتىقتارى بار.
باقىتجان ساعىنتاەۆ زەرتحانا قىزمەتىندە ازداعان كەدەرگىلەر انىقتالعانىن ايتىپ ءوتتى, وعان بۇل قىزمەتتەرگە جۇگىنۋشىلەر تاراپىنان سۇرانىستىڭ جوعارى بولۋى, ناۋقاستاردىڭ كوپتەپ كەلۋى, سونىمەن بىرگە, زەرتحانالاردا رەاگەنتتەردىڭ قاجەتتى قورىنىڭ بولماۋى سەبەپ بولعان.
“COVID-19 زەرتحانالىق دياگنوستيكالاۋ اۋقىمىن ۇلعايتۋ ماقساتىندا ازاماتتاردى ۋاقتىلى دياگنوستيكامەن قامتاماسىز ەتۋ ءۇشىن قوسىمشا ەكى زەرتحانا اشىلدى”, - دەپ حابارلادى باقىتجان ساعىنتاەۆ.
