باقىتجان ساعىنتاەۆ قازىرگى ۋاقىتتا سۇرانىسقا يە ءدارى-دارمەكتەردىڭ قولجەتىمدى باعادا بولۋى قالاداعى كوروناۆيرۋستىڭ جاعدايىن تۇراقتاندىرۋ ءۇشىن ماڭىزدى پۋنكت بولىپ تابىلاتىنىن اتاپ ءوتتى.
پاراتسەتامول, يبۋپروفەن جانە قۇرامىندا پاراتسەتامول بار پرەپاراتتارعا سۇرانىستىڭ جوعارىلاۋىنا بايلانىستى مەگاپوليس ءدارىحانالارىندا وسى پرەپاراتتار بويىنشا تاپشىلىق پايدا بولدى. ءدارى-دارمەكتەردى ءىرى جەتكىزۋشىلەرمەن كەلىسسوز جۇرگىزگەننەن كەيىن پاراتسەتامول مەن يبۋپروفەن جەتكىزۋ ماسەلەسى شەشىلدى.
ء"بىز دارىلىك زاتتاردى وندىرۋشىلەرمەن, ءىرى جەتكىزۋشىلەرمەن جانە ديستريبيۋتورلارمەن الماتى قالاسىنىڭ ءدارىحانالارىنا ءدارى-دارمەكتەردى ۇزدىكسىز جەتكىزۋ تۋرالى كەلىسىمگە قول جەتكىزدىك. ول ءۇشىن فارماتسەۆتيكالىق كومپانيالارمەن كەلىسىمگە قول قويىلىپ, 105 ءدارىحانانىڭ ءتىزىمى انىقتالدى (6 شىلدە كۇنى 2 ءدارىحانا قوسىلدى), ولارعا باسىم تارتىپپەن ءدارى - دارمەكتەر جەتكىزىلەتىن بولادى", - دەدى باقىتجان ساعىنتاەۆ. سونىمەن قاتار, كەلىسىمدە ءدارىحانالاردىڭ باعانى كوتەرمەۋى جانە ءبىر اتاۋداعى ءدارى-دارمەكتى ءبىر قولعا 3 بىرلىكتەن ارتىق بەرمەۋ مىندەتى قاراستىرىلعان.
5 شىلدەدەگى جاعداي بويىنشا قالانىڭ ءدارىحانالارىنا 115 مىڭ پاراتسەتامول, 30 مىڭ تەرمومەتر, 20 مىڭ يبۋپروفەن, 35 مىڭ ينگاۆيرين جانە باسقا ءدارى-دارمەكتەر جونەلتىلدى. 6 شىلدە كۇنى تاڭەرتەڭنەن باستاپ قوسىمشا 150 مىڭ پاراتسەتامول مەن 50 مىڭ تەرمومەتردى تيەۋ جۇمىستارى جۇرگىزىلۋدە. 8 جانە 12 شىلدەدە تيىسىنشە 80 مىڭ جانە 850 مىڭ پاراتسەتامولدىڭ قوسىمشا جەتكىزىلىمى كۇتىلۋدە.
باعانى باقىلاۋ ماقساتىندا مونيتورينگ توبى قۇرىلىپ, قالانىڭ بەلگىلى 105 ءدارىحاناسىندا كۇن سايىن ءدارى-دارمەك باعاسىنا مونيتورينگ جۇرگىزەدى. قالادا دارىلەردىڭ بار-جوعىنا مونيتورينگ جۇرگىزۋ ماقساتىندا, 29 ماۋسىمدا الماتى ق.تققسبد ءىرى جەتكىزۋشىلەردى, وندىرۋشىلەر مەن ءدارىحانالار جەلىلەرىن قويمالارداعى جانە جەتكىزىلەتىنى كۇتىلەتىن ءدارى-دارمەكتەردىڭ بار-جوعى جونىندە دۇرىس اقپارات بەرۋدى مىندەتتەيتىن قاۋلى قابىلدادى.
بۇعان دەيىن ايتىلعانداي, بۇگىنگى تاڭدا كلينيكالاردا ءدارى-دارمەكتەردىڭ قاجەتتى قورى بار, بىراق پاتسيەنتتەر سانىنىڭ وسۋىنە, توسەك قۋاتتارىنىڭ كەڭەيۋىنە بايلانىستى بىرقاتار پرەپاراتتار بويىنشا وسى قورلاردى ۇلعايتۋ قاجەتتىلىگى بار. بۇل ماسەلەنى قالا اكىمشىلىگى قر دەنساۋلىق ساقتاۋ مينيسترلىگىمەن جانە "سك فارماتسيا" جشس-مەن پىسىقتايدى. اعىمداعى جىلدىڭ شىلدە ايىنا ارنالعان ءدارى-دارمەكتەردى جەتكىزۋ كەستەسى پىسىقتالدى.
