وسى پروبلەماعا ازداپ بولسا دا ۇلەسىمىزدى قوسساق, ۇتارىمىز كوپ بولماق
ماجىلىستە پالاتا سپيكەرى نۇرلان نىعماتۋليننىڭ توراعالىعىمەن وتكەن جالپى وتىرىستا دەپۋتات اندرەي بەگەنەەۆ قورشاعان ورتانى قورعاۋ ءمينيسترى نۇرلان قاپپاروۆقا دەپۋتاتتىق ساۋال جولداعان ەدى. وندا بىلاي دەلىنەدى:
وسى پروبلەماعا ازداپ بولسا دا ۇلەسىمىزدى قوسساق, ۇتارىمىز كوپ بولماق
ماجىلىستە پالاتا سپيكەرى نۇرلان نىعماتۋليننىڭ توراعالىعىمەن وتكەن جالپى وتىرىستا دەپۋتات اندرەي بەگەنەەۆ قورشاعان ورتانى قورعاۋ ءمينيسترى نۇرلان قاپپاروۆقا دەپۋتاتتىق ساۋال جولداعان ەدى. وندا بىلاي دەلىنەدى:
«ەلىمىزدىڭ ۇلان-عايىر دالاسىنىڭ سايكەس اۋماقتارىن جاسىل جەلەككە بولەۋدىڭ اسا ماڭىزدى ەكەنى انىق. قازاقستاندا ورماندى القاپ ەلدىڭ جالپى اۋماعى كولەمىنىڭ 8-10 پايىزىن عانا قۇرايدى. سوندىقتان دا مەملەكەت باسشىسىنىڭ باستاماسى بويىنشا قۇرىلعان استانانىڭ «جاسىل بەلدەۋىنىڭ» وزگە وڭىرلەرگە دە ۇلگى رەتىندە تارالۋى لايىقتى باستاما بولىپ وتىر. ونىڭ ماڭىزدىلىعى تۋرالى ەل پرەزيدەنتى نۇرسۇلتان نازارباەۆ: «ەگەر ءبىز جىل سايىن بارلىق وبلىستا كوگالداندىرۋ ىسىمەن اينالىساتىن بولساق, وندا قازاقستاندى جاسىل جەلەكتى ەلگە اينالدىرامىز», دەپ اتاپ وتكەن بولاتىن.
جاسىل جەلەكتى كوبەيتۋ ماقساتىندا قۇرىلعان رەسپۋبليكالىق جانە جەرگىلىكتى دەڭگەيدە مامانداندىرىلعان مەملەكەتتىك قۇرىلىمدار جانە ءتيىستى قىزمەتتەر بار, «زەلەنستروي», «جاسىل ەل» مەملەكەتتىك باعدارلاماسى تۇرىندەگى جانە باسقا دا ەكپەلەر بار. سەنبىلىكتەردە تال-تەرەكتەردى وتىرعىزۋ داستۇرگە اينالعان. الايدا, رەسەيدەگى سياقتى اعاش ەگۋ كۇنى جوق. ورمانى كوپ بولسا دا, كورشى ەلدە 18 مامىر بۇكىلرەسەيلىك اعاش وتىرعىزۋ كۇنى بولىپ بەلگىلەنگەن.
ىنتالى ادامداردىڭ باستاماسى بويىنشا وتكىزىلىپ جۇرگەن قازاقستاندىق سەنبىلىكتەر بيۋدجەت قاراجاتىن دا شىعىندايدى. سوندىقتان «نۇر وتان» پارتياسىنان سايلانعان دەپۋتاتتار رەتىندە ءبىزدى «قازاقستاننىڭ قاي جەرىندە جانە قانداي اعاشتار ءتۇرى ەگىلەدى, ەڭ باستىسى, سونىڭ قانشاسى ءوسىپ شىعادى؟» دەگەن سۇراقتار تولعاندىرادى. ويتكەنى, قازاقستاننىڭ كوپتەگەن ايماعىندا ءالى كۇنگە دەيىن توعاي دا, ءبىر شوق بۇتا دا جوق.
سول سەبەپتى «ورمانداردى دامىتۋعا, اۋماقتاردى كوگالداندىرۋعا رەسپۋبليكا بويىنشا تۇتاستاي العاندا جانە وڭىرلەرگە بولگەندە مەملەكەت قاراجاتى قالاي جۇمسالادى؟» دەگەن سۇراق تۋىنداپ وتىر».
