ەلباسى • 06 شىلدە، 2020

ەگەمەن ەلدىڭ ورداسى

90 رەت كورسەتىلدى

تورتكۇل دۇنيەگە جاڭا تۇرپاتتى مەگوپوليس رەتىندە تانىلعان ەلوردانىڭ مەرەكەسىنە قاراعاندى وبلىسى ەرەكشە دايىندىقپەن كەلدى. اۋەلى كەنشىلەر استاناسىندا «تەمىرتاۋ – التىن بەسىگىم» دەگەن تاقىرىپتا حالىقارالىق ونلاين-دوڭگەلەك ۇستەل ءوتىپ، ونىڭ جۇمىسىنا Zoom پلاتفورماسى ارقىلى ەلباسىنىڭ سەرىكتەستەرى، ۋكرايناداعى كامەنسك جوعارى كاسىبي ۋچيليششەسىنىڭ ديرەكتورى ۆاديم نەكلەسە، الماتى وبلىسىنىڭ شامالعان اۋىلىنداعى «اتامەكەن» تاريحي-مادەني ورتالىعىنىڭ عىلىمي قىزمەتكەرى قىدىر نۇربەرگەن ۇلى، قاراعاندى مەتاللۋرگيا كومبيناتىنىڭ بۇرىنعى باس ديرەكتورى ولەگ سوسكوۆەتس جانە باسقالار قاتىستى.

تەمىرتاۋ قالاسىنىڭ 75 جىل­­دىعى مەن قازاقستان ماگ­نيت­كاسىنىڭ 60 جىلدىق مەرەيتويى­نا ارنالعان ءىس-شارانى جۇرگىزىپ وتىرعان قاراعاندى وبلىسىنىڭ اكىمى جەڭىس قاسىمبەك تۇڭعىش پرەزيدەنت – ەلباسى نۇرسۇلتان نازارباەۆ ەسىمىنىڭ ەلىمىزدىڭ استاناسى نۇر-سۇلتان مەن تەمىرتاۋ قالالارىن جانە قازاقستان ماگنيتكاسىن ءوزارا باي­لانىستىرىپ تۇراتىنىن ەرەكشە ماقتانىشپەن اتاپ ءوتتى.

– قاراعاندى وبلىسىنىڭ ەل­باسىمىزدىڭ ەڭبەك جانە ساياسي وتانى ەكەنىن ماقتان تۇتامىز. ءدال وسى جەردەن نۇرسۇلتان ءابىش ۇلى ءوزىنىڭ كاسىبي جولىن باستادى. ءوزى ايتقانداي، تەمىرتاۋ ونىڭ باستى ۋنيۆەرسيتەتى بولدى. سوناۋ 60-شى جىلدارى تاقىر دالادا كومبينات تسەحتارىن سالعان، ەلدىڭ ەكونوميكالىق جانە ستراتەگيالىق قاۋىپسىزدىگىن قامتاماسىز ەتە وتى­رىپ، مەتالدىڭ رەكوردتىق تون­نالارىن بەرگەن ادامدارعا شىن نيەتپەن ءتانتى بولامىن. ال ەل­باسى نەگىزىن قالاعان، 20 جىل­دىڭ ىشىندە الەمدەگى ەڭ ادە­مى اس­تانالاردىڭ بىرىنە اي­نال­عان ەلور­دانىڭ قۇرىلىسىنا قارا­عاندىلىقتاردىڭ دا قوسقان ۇلەسى قو­ماق­تى بولدى، – دەدى ءوڭىر باسشىسى.

العاشقىلاردىڭ ءبىرى بولىپ ءسوز ال­عان ۋكرايناداعى كامەنسك جوعارى كاسى­بي ۋچيليششەسىنىڭ ديرەكتورى ۆاديم نەك­لەسە اتالعان وقۋ ورنىندا قازاقستان رەسپۋب­ليكاسىنىڭ تۇڭعىش پرەزيدەنتىنە ارنالعان مۇراجاي بار ەكەنىن،  جالپى ءبىلىم ۇياسىندا قايراتكەر تۇلعا ەسىمىنىڭ زور قۇرمەتكە يە ەكەنىن اتاپ ءوتتى.

ەسكە سالار بولساق، كامەن­سكىدەگى بۇل ءبىلىم مەكەمەسى بۇرىن دنەپرودزەرجينسك قالا­سىنىڭ № 8 تەحنيكالىق ۋچيليششەسى بولعان ەدى. مۇندا 1958 جىلدان 1960 جىلعا دەيىن بولاشاق تۇڭعىش پرەزيدەنت نۇرسۇلتان نازارباەۆ ءبىلىم العان بولاتىن.

بۇدان كەيىن ەلباسىنىڭ سەنىمدى سەرىك­تەستەرى اڭگىمەنى ءارى قاراي ءوربىتىپ، تاريحي ءمانى زور قۇندى ەستەلىكتەرىمەن ءبولىستى. مى­سالى، تۇڭعىش پرەزيدەنتپەن قاراعاندى پوليتەحنيكالىق ينستيتۋتىندا ءبىر توپتا وقىعان دوسى، قازاقستان رەسپۋبليكاسىنىڭ تۇڭعىش سىرتقى ىستەر ءمينيسترى تولەۋتاي سۇلەيمەنوۆ ەلباسىنىڭ ەڭبەك جولى تۋرالى تۇشىمدى اڭگىمە ايتتى.

سونداي-اق ونلاين-دوڭ­گەلەك ۇستەل وتىرىسىندا ەلبا­سىنىڭ سەرىكتەسى، قازاقستان ماگ­نيتكاسىندا بىرگە ەڭبەك ەتكەن قابيدوللا سارەكەنوۆ، بۇرىنعى تسەح باستىعى ەدۋارد مينيكەس، الىپ كومبيناتتىڭ باسشىسى بولعان ولەگ سوسكوۆەتس، «ارسەلورميتتال تەمىرتاۋ» اق اتقارۋشى ديرەكتورى ۆا­ديم باسين، قارمتۋ-دىڭ رەك­تورى مارات يباتوۆ جانە باس­قالار تۇڭعىش پرەزي­دەنتتىڭ قايراتكەرلىك تۇلعاسىن اشا تۇسكەن ەستەلىكتەرىمەن ءبولىستى، قايراتكەر تۇلعانىڭ ەلوردانىڭ عانا ەمەس، تاۋەلسىز قازاقستان مەملەكەتتىگىنىڭ مىزعىماس ىرگە­تاسىن قالا­عان ەرەن ەڭبەگى تۋراسىندا پا­يىمدى پىكىر­لەرىن ايتتى.

حالىقارالىق ونلاين-دوڭ­گەلەك ۇستەل وتىرىسىنىڭ سوڭىندا وبلىس اكىمى ەلباسى­نىڭ عيبراتتى عۇمىرى مەن ەڭبەك جولى جايلى تىڭ دەرەكتەر جانە قىزعىلىقتى مالىمەتتەر ۇسىنعان قۇرمەتتى قاتىسۋشىلارعا  العىس ايتىپ، ريزاشىلىعىن ءبىلدىردى.

 

* * *

ەلوردا كۇنى مەرەكەسىنىڭ قار­ساڭىندا ەلباسىنىڭ ەڭ­بەك وتانى تەمىرتاۋدا تۇڭ­عىش پرەزيدەنت نۇرسۇلتان نازار­باەۆتىڭ تىكەلەي تاپسىرماسىمەن بوي كوتەرگەن جاڭا ەمحانا اشىلدى. «ارسەلورميتتال تەمىر­تاۋ» كومپانياسىنىڭ قاتى­سۋىمەن سالىنعان ەكى قاباتتى ەمحانانىڭ ءبىر اۋىسىمدا 50 ادامدى قابىلداۋعا مۇمكىندىگى جەتەدى.

بۇل كۇنى ءدال وسىنداي تاعى ەكى ەمحانا وبلىس ورتالىعىندا دا ايقارا ەسىك اشتى. مەملەكەت-جەكەمەنشىك ارىپتەستىگى نەگىزىندە سالىنعان بۇل مەديتسينالىق نىسانداردىڭ ءبىرى قالاداعى №11ا ىقشام اۋداندا، ال ەكىنشىسى وڭتۇستىك-شىعىس اۋماعىندا بوي كوتەردى. العاشقىسى ءبىر اۋىسىمدا 50 ادامعا دەيىن قابىلداي السا، ەكىنشى ەمحانانىڭ قۋاتى ءبىر اۋىسىمدا 150 كەلۋشىگە قىزمەت كورسەتۋگە جەتەدى. مۇندا قابىلداۋدى 11 جالپى تاجىريبە دارىگەرى، ەكى پەدياتر، ەكى اكۋشەر-گينەكولوگ، تەراپەۆتىك بەيىندەگى 11 سالالى مامان جانە تەراپەۆتىك ەمەس باعىتتاعى ەكى مامان جۇرگى­زەتىن بولادى.

ايتا كەتۋ كەرەك، جاڭا ەمحا­نالاردىڭ بارلىعى زاماناۋي مەديتسينالىق قۇرال-جاب­دىقتارمەن قامتاماسىز ەتىلگەن. دارىگەرلەر مەن پاتسيەنتتەرگە ىڭعايلى بولۋ ءۇشىن نىسانداردا ەلەكتروندى كەزەك جۇيەسى جۇمىس ىستەيتىن بولادى.

2 قايرات

سونداي-اق بۇل كۇنى قارا­عاندىدا «بيزنەس­تىڭ جول كارتاسى» جانە «قاراپايىم زاتتار ەكونوميكاسى» مەملەكەت­تىك باعدار­لامالارى اياسىندا ەلى­مىزدەگى ەڭ ءىرى Global City كو­تەرمە-تاراتۋ لوگيستيكالىق ورتالىعى بوي كوتەردى. بۇل جەردە ازىق-ت ۇلىك ونىمدەرى ساقتالادى، سۇرىپتالادى جانە ساتىلاتىن بولادى. ەڭ باستىسى، ورتالىقتا كوكونىس پەن جەمىس دەلدالدارسىز بوساتىلادى، ال مۇنىڭ ءوزى قارا­عاندى نارىعىندا عانا ەمەس، ەلىمىزدىڭ باسقا وڭىرلەرىندە دە باعا­نى تومەندەتۋگە مول مۇمكىن­دىك بەرەدى.

اتالعان نىساندا بولشەك ساۋدا ءۇشىن اۋدانى 42 مىڭ شارشى مەتر ساۋدا-ويىن ساۋىق ورتالىعى، 149 جەكە تۇرعان ساۋدا پاۆيلونى جانە اۋماعى 2 مىڭ شارشى مەتر مامانداندىرىلعان ەت پاۆيلونى سالىندى.

333

مۇندا ءىرى كوتەرمە ساۋدا ورىن­دارى ءۇشىن ءارتۇرلى تەمپە­راتۋرالىق رەجىمدەگى كليماتتىق قويما، قۇرعاق قويما، ۋاقىتشا ساقتاۋ قويماسى (ۋسق)، تەمىر جول تۇيىعى، كوتەرمە كرانى بار كونتەينەرلىك الاڭ، كەدەندىك رەسىم­دەۋ ايماعى، تيەۋ-ءتۇسىرۋ تەحنيكاسى قاراستىرىلعان. اۋماقتا كروسس-دوك ورنالاسقان، ولار ءبىر مەزگىلدە 164 جۇك كولى­گىن قابىلداي الادى. تاعى ءبىر ار­تىقشىلىق – كولىكتەر ءۇشىن لوگيس­تيكالىق ورتالىقتان قارا­عاندى قالاسىن نۇر-سۇلتان، پاۆلودار جانە الماتى باعىت­تارىمەن جالعاپ جاتقان جول اي­رى­عىنا تىكەلەي شىعۋ مۇمكىندىگى قاراس­تىرىلعان.

سونداي-اق Global City كو­تەر­مە-تاراتۋ لوگيستيكالىق ورتا­لىعىندا «تسيفرلى قازاق­ستان» باعدارلاماسى بويىنشا فەرمەرلەر مەن ساتىپ الۋشىلار ءۇشىن ەلەكتروندى ساۋدا الاڭى قۇرىلادى جانە بيزنەس-ۇدەرىستەردى باسقارۋ  جۇيەسى تو­لىق­تاي اۆتوماتتاندىرىلادى.

سونگى

ەلوردا كۇنى مەرەكەسىنىڭ قار­ساڭىندا بوي كوتەرگەن نى­سانداردىڭ   اشىلۋىندا بولعان وبلىس اكىمى جەڭىس قاسىمبەك تۇڭعىش پرەزيدەنتىمىزدىڭ  تىكە­لەي تاپسىرماسىمەن ىسكە اس­قان الەۋ­مەتتىك ماڭىزى زور بۇل جوبا­لاردىڭ ەڭ ءبىرىنشى كەزەكتە حالىقتىڭ ءال-اۋقاتىن جاقسارتۋعا باعىتتالعان يگى شارۋالار ەكەنىن ەرەكشە اتاپ ءوتتى.

 

قاراعاندى وبلىسى

سوڭعى جاڭالىقتار

ۆاكتسينالاۋ – ماڭىزدى مىندەت

ۇكىمەت • بۇگىن، 08:17

قاراعاندىدا كارانتين كۇشەيتىلدى

ايماقتار • بۇگىن، 08:09

URKER ۇسىنعان ۇزدىكتەر

ونەر • بۇگىن، 07:57

كوروناۆيرۋس باسەڭدەر ەمەس

الەم • بۇگىن، 07:56

كەشىرىم ايى كەلدى

رۋحانيات • بۇگىن، 07:50

بيزنەستە ايەلدەردىڭ ۇلەسى قانداي؟

ەكونوميكا • بۇگىن، 07:38

ءۇشىنشى بەسجىلدىق: مەجە مەن مىندەت

ەكونوميكا • بۇگىن، 07:35

بايراعى بيىك باعزى ونەر

رۋحانيات • بۇگىن، 07:33

ەكى الپاۋىتتىڭ ايقاسى

بوكس • بۇگىن، 07:25

پاۆلوداردا جاعداي كۇردەلەنە ءتۇستى

كوروناۆيرۋس • بۇگىن، 07:21

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار