30 ماۋسىمنان باستاپ قوستاناي وبلىسىنىڭ 11 اۋدانىندا تۇراتىن مۇقتاج جاندار ءۇشىن ءتورتىنشى ترانش بويىنشا تولەمدەر باستالدى. ەلباسى نۇرسۇلتان نازارباەۆتىڭ باستاماسىمەن قۇرىلعان «Birgemiz» قورى بۇعان دەيىن قوستاناي, رۋدنىي, ارقالىق جانە ليساكوۆ قالالارى مەن جىتىقارا, قوستاناي, مەڭدىقارا, فەدوروۆ جانە التىنسارين اۋداندارىندا تۇراتىن 22 مىڭعا جۋىق مۇقتاج جانعا 50 مىڭ تەڭگەدەن 3 رەت دەمەۋقارجى اۋدارعان بولاتىن.
«جەكە شوتىنا 50 مىڭ تەڭگە تۇسكەن ازاماتتاردىڭ بارلىعىنا «Sizdiń shotyńyzga #Birgemiz qorynan 50 000 tenge keliptusti. #Biz Birgemiz, Elbasۋ, «Nur Otan» دەگەن مازمۇندا sms حابارلاما قوسا كەلىپ تۇسەدى.
مۇقتاج جانداردىڭ ءتىزىمىن جەرگىلىكتى جۇمىسپەن قامتۋ جانە الەۋمەتتىك باعدارلامالار ءبولىمى, سونداي-اق زەينەتاقى تولەيتىن مەملەكەتتىك ورتالىقتار جاساعان. بۇل تىزىمگە قازىرشە 5684 ادام تىركەلگەن. تىزىمگە ەنبەي قالعان تۇرعىندار جەرگىلىكتى جەردەگى جۇمىسپەن قامتۋ جانە الەۋمەتتىك باعدارلامالار بولىمىنە جۇگىنە الادى», دەپ حابارلادى Nur Otan پارتياسى وبلىستىق فيليالىنىڭ ءباسپاسوز قىزمەتى.
قوستاناي وبلىسى
