ەپيدەميولوگيالىق جاعدايعا بايلانىستى, سەمينار ونلاين رەجيمىندە ءوتتى. ءىس-شاراعا "الماتى" تەلەارناسىنىڭ 20 ءجۋرناليسى قاتىستى. وقۋ سەمينارىنىڭ سپيكەرى - فيلولوگيا عىلىمدارىنىڭ كانديداتى, پروفەسسور, احمەت بايتۇرسىن ۇلى ءبىلىم اكادەمياسىنىڭ ديرەكتورى ۇلان ەركىنباي قازاقستاننىڭ مودەرنيزاتسيا تۋرالى ءسوز قوزعاي وتىرىپ, جاڭعىرۋ تەك ونەركاسىپتە عانا ەمەس, سونىمەن بىرگە قوعامنىڭ بارلىق سالاسىندا جۇرەتىندىگىنە توقتالدى. "جالپى قوعامنىڭ جانە ءاربىر قازاقستاندىقتاردىڭ ساناسىن جاڭعىرتۋدىڭ 6 باعىتى ايقىندالدى ... ". باسەكەگە قابىلەتتىلىك; پراگماتيزم; ۇلتتىق بىرەگەيلىكتى ساقتاۋ; بىلىمگە تابىنۋ; قازاقستاننىڭ رەۆوليۋتسيالىق ەمەس, ەۆوليۋتسيالىق دامۋى; سانانىڭ اشىقتىعى.
ەگەر ءبىز, قازاقستاندىقتار, الەمدى تەك ۇيلەرىمىزدىڭ تەرەزەلەرىنەن باعالايتىن بولساق, وندا الەمدە قانداي داۋىل جاقىنداپ جاتقانىن, كورشى ەلدەردە نە بولىپ جاتقانىن كورە المايتىن شىعارمىز. ءبىز كەيدە كوزقاراستاردى تۇبەگەيلى وزگەرتۋگە ءماجبۇر ەتەتىن سىرتقى سەبەپتەردى دە تۇسىنبەۋىمىز مۇمكىن. مودەرنيزاتسيانىڭ نەگىزى - ادام كاپيتالى. سوندىقتان, "رۋحاني جاڭعىرۋ" باعدارلاماسىنىڭ ماقساتىنا جانە تۇپكىلىكتى ناتيجەلەرىنە قول جەتكىزۋ ءۇشىن تۇرعىنداردىڭ باعدارلاما تۋرالى حاباردار بولۋ دەڭگەيىن, تۋعان ولكەنىڭ تاريحى مەن مادەنيەتىنە دەگەن قوعامدىق قىزىعۋشىلىق دەڭگەيىن, ازاماتتىق بەلسەندىلىك پەن پاتريوتيزم دەڭگەيىن جانە ت.ب. ارتتىرۋ قاجەت».
بۇل ءۇشىن الماتىداعى "رۋحاني جاڭعىرۋ" جوبالىق ءوفيسى ۋنيۆەرسيتەتتەردە, كوللەدجدەردە جانە عىلىمي-زەرتتەۋ ينستيتۋتتارىندا باعدارلامانى ىسكە اسىرۋعا جاۋاپتى ادامداردىڭ بىلىكتىلىگىن ارتتىرۋعا باعىتتالعان سەمينارلار ۇيىمداستىرادى. سونداي-اق, باعدارلامانى حالىق اراسىندا كەڭىنەن ناسيحاتتاۋ ماقساتىندا باق قىزمەتكەرلەرى, جۋرناليستەر اراسىندا باعدارلامانىڭ ماقساتتارى مەن قاعيداتتارىن ءتۇسىندىرۋ, ونى ءارى قاراي جىلجىتۋ ماقساتىندا ونلاين سەمينار ۇيىمداستىرىلدى.
مەملەكەتتىك باعدارلامالارمەن جۇمىس ىستەۋگە قاجەتتى ءبىلىمدى كەڭەيتۋ جانە داعدىلاردى قالىپتاستىرۋ, سانانى جاڭعىرتۋ ءۇشىن حالىقپەن جۇمىس ىستەۋدىڭ ەڭ جاڭا تەحنولوگيالارىنا يە بولۋ, حالىققا باعدارلامالاردىڭ ءمانىن قول جەتىمدى تۇسىندىرۋگە سپيكەرلەردى دايىنداۋ, باق-تا حابارلاۋ, ياعني العا جىلجىتۋ ءۇشىن قاجەتتى داعدىلاردى يگەرۋگە باعىتتالعان سەمينارلار ەلىمىزدىڭ دامۋ كەلەشەگىنىڭ كورىنىسى بولماق.
