"Qazaqstan" تەلەارناسى "ەلوردا اكىمدەرى" جاڭا دەرەكتى ءفيلمىن ۇسىنادى

قازاقستاننىڭ استاناسىن 20 جىلدان استام ۋاقىت ىشىندە 8 اكىم باسقاردى جانە ولاردىڭ بارلىعى قالا تاريحىندا ءوز قولتاڭباسىمەن ەرەكشەلەندى. قر تۇڭعىش پرەزيدەنتى - ەلباسى ن. ءا. نازارباەۆ سەنىم ارتقان ساياسي تۇلعالاردىڭ بارلىعى باس شاھاردىڭ قالىپتاسىپ دامۋىنا ءوز ۇلەسىن قوستى. دەرەكتى فيلمدە قالانى ءار جىلدارى باسقارعان ءا. جاقسىبەكوۆ, ت. دوسمۇحامبەتوۆ, ءو. شوكەەۆ, ا. مامين, ي. تاسماعامبەتوۆ, ءا. يسەكەشەۆ, ب. سۇلتانوۆ جانە قالانىڭ قازىرگى اكىمى ا. كولگىنوۆ ەلباسىنىڭ قالا بيلىگىن سەنىپ تاپسىرعان ءساتىن ەسكە الىپ, ەل استاناسىنىڭ قارىشتاپ دامۋى ءۇشىن جۇكتەگەن جوسپارى تۋرالى بولىسەدى. 

باعدارلامادا ءار باسشىنىڭ تۇسىندا جۇزەگە اسقان جوبالار مەن ايتۋلى وقيعالار كەڭىنەن قامتىلادى جانە سول ارقىلى ەلباسى ن.ءا. نازارباەۆتىڭ ەڭبەگى مەن قازاقستان استاناسىن الەمگە تانىتۋداعى ايرىقشا قولتاڭباسى كورسەتىلەدى. استانانى اۋىستىرۋ تەك كوشپەن شەكتەلمەگەنىن, ونى ورتالىقتاندىرۋ, كۇللى الەمگە مويىنداتۋ وڭاي بولماعانىن سول قالانى باسقارعان باسشىلار ارقىلى جەتكىزىلەدى. 

جوبادا قر تۇڭعىش پرەزيدەنتى – ەلباسى ن.ءا.نازارباەۆتىڭ ۇلت ءومىرىن وزگەرتكەن ۇتقىر شەشىمدەرى, قاعاز بەتىندەگى يدەيالاردان باستاپ, شىندىققا اينالعان ساۋلەتتى جوبالارعا دەيىنگى تاباندى ەڭبەگى, ىسكەرلىك پەن ەكونوميكانىڭ قوزعاۋشى كۇشىنە اينالعان ەل استاناسىن تاڭداۋداعى باعدار ەتىپ العان 32 ولشەم تۋرالى ايتىلادى.
دەرەكتى فيلم 6 شىلدە 20:00-دە "Qazaqstan" ۇلتتىق ارناسىنان ەفيرگە شىعادى.