تەگىن ءدارى-دارمەك الۋ ءۇشىن دياگنوزى راستالعان ناۋقاس ءوز ەمحاناسىنا مىندەتتى تۇردە بەكىتىلۋى ءتيىس. سەبەبى, بۇل ءدارى-دارمەكتەر حالىقتىڭ تىركەلىمى جانە ديسپانسەرلىك ناۋقاستاردىڭ تىركەلىمى بويىنشا "Covid-19" ينفەكتسياسىنىڭ جەڭىل تۇرىنە شالدىققان, پنەۆمونيا نەمەسە جرۆي دياگنوزى بار ناۋقاستارعا جەكە ەسەپتەن بوساتىلادى.
ەگەر ادام باسقا ەمحاناعا تىركەلگەن نەمەسە باسقا قالادا بولسا, نە ىستەۋ كەرەك؟
اۋماققا تيەسىلىلىك ءپرينتسيپى بۇزىلدى, ناتيجەسىندە ازاماتتار ءوز اۋماعىنان تىس جەردە ورنالاسقان, وزدەرى قالاعان ەمحانالارعا تىركەلە باستادى. ءتىپتى, ءبىر وتباسىنىڭ مۇشەلەرى بولەك ەمحانالاردىڭ ەسەبىندە بولۋى مۇمكىن. كومەكتى تىركەلمەسە دە جاقىن ورنالاسقان ەمحانادان الۋ مۇمكىندىگى قاراستىرىلعان با؟ قولدانىستاعى زاڭدارعا جانە دەنساۋلىق ساقتاۋ مينيسترلىگىنىڭ بۇيرىعىنا سايكەس, ءدارى - دارمەكتەر تەك تىركەلگەن ازاماتتارعا بەرىلەدى. بۇل جاعدايدا ازاماتتار ونلاين-ءوتىنىش بەرۋ ارقىلى تىركەلگەن ەمحاناسىنان شىعىپ, جاقىن ەمحاناعا تىركەلۋگە مۇمكىندىكتەرى بار.
قاجەتتى ەمحاناعا تىركەلۋ ءراسىمى قانشا ۋاقىتتى قاجەت ەتەدى؟
ونلاين ءراسىم كورسەتىلەتىن مەملەكەتتىك قىزمەت اياسىندا Egov ەلەكتروندىق ۇكىمەت پورتالى ارقىلى جۇزەگە اساتىندىقتان, كوپ ۋاقىت المايدى.
