استانادا «قازاقستان رەسپۋبليكاسى – ەۋروپالىق وداق» ىنتىماقتاستىق كوميتەتىنىڭ 13-ءشى وتىرىسى جانە قازاقستان مەن ەۋروپالىق وداق اراسىنداعى كەڭەيتىلگەن ارىپتەستىك جانە ىنتىماقتاستىق تۋرالى جاڭا كەلىسىم بويىنشا كەلىسسوزدەردىڭ ءتورتىنشى راۋندى ءوتتى.
استانادا «قازاقستان رەسپۋبليكاسى – ەۋروپالىق وداق» ىنتىماقتاستىق كوميتەتىنىڭ 13-ءشى وتىرىسى جانە قازاقستان مەن ەۋروپالىق وداق اراسىنداعى كەڭەيتىلگەن ارىپتەستىك جانە ىنتىماقتاستىق تۋرالى جاڭا كەلىسىم بويىنشا كەلىسسوزدەردىڭ ءتورتىنشى راۋندى ءوتتى.
قازاقستان دەلەگاتسياسىن اتالمىش ءىس-شارالاردىڭ ەكەۋىندە دە سىرتقى ىستەر ءمينيسترىنىڭ ورىنباسارى الەكسەي ۆولكوۆ, ال ەۋروپا دەلەگاتسياسىن ەۋروپالىق وداقتىڭ سىرتقى ارەكەتتەر قىزمەتىنىڭ رەسەي, شىعىس ارىپتەستىك, ورتالىق ازيا, ايماقتىق ىنتىماقتاستىق پەن ەقىۇ ماسەلەلەرى جونىندەگى ديرەكتوراتىنىڭ ديرەكتورى گۋننار ۆيگاند باستادى.
قازاقستان رەسپۋبليكاسىنىڭ ەۋروپالىق وداقپەن ستراتەگيالىق ارىپتەستىكتى جان-جاقتى كەڭەيتۋ مەن كۇشەيتۋ ساياساتى شەڭبەرىندە كوميتەت وتىرىسىنا قاتىسۋشىلار ساۋدا مەن ينۆەستيتسيالار, ەنەرگەتيكا, كولىك, قورشاعان ورتانى قورعاۋ مەن وڭىرلىك ىنتىماقتاستىقتىڭ وزەكتى ماسەلەلەرىن تالقىلادى. تاراپتار, سونداي-اق جاڭا قاۋىپ-قاتەرلەرمەن كۇرەسۋدەگى بىرلەسكەن كۇش-جىگەرلەر مەن ادام قۇقىقتارىنىڭ قامتاماسىز ەتىلۋى ماسەلەلەرىن قوزعادى.
جاڭا كەلىسىم بويىنشا كەلىسسوزدەر جۇمىس توپتارى مەن پلەنارلىق سەسسيا پىشىندە ءوتتى, تاراپتار بولاشاق كەلىسىم جوباسىنىڭ ساياسي, ساۋدا-ەكونوميكالىق, قۇقىقتىق, قارجىلىق جانە گۋمانيتارلىق ىنتىماقتاستىق ماسەلەلەرىن قامتيتىن بارلىق تاراۋلارىن پىسىقتادى.
تاراپتار قازاقستان مەن ەو اراسىنداعى ەكىجاقتى ىنتىماقتاستىقتىڭ ساپالى جاڭا, اناعۇرلىم جەتىلگەن دەڭگەيىن كورسەتۋدەگى ءجانە ولاردىڭ ۇزاق مەرزىمدى تەڭ قۇقىلى ارىپتەستىگىنىڭ بەرىك نەگىزىن قامتاماسىز ەتۋدەگى كەلىسىمدى دايىنداۋعا ءوز مۇددەسىن تاعى ءبىر مارتە راستادى.
«ەگەمەن-اقپارات».
